صراحة موضوعتس على انه واضح بس في نفس الوقت يلحس المخ
يعني من جد مدري وش تحسين فيه وانتي تكتبين الموضوع

يالله ان تحييه العيار ..

ووه ووه >> عندك شك اني ماني فرحانه لكم .. الله يهنيكم يارب

ماعلينا

* مع اني شخصيا اقول في قرارت نفسي صح فيه غلاء بس مو ذاك الغلاء
الله يخلي لتس الوالد ويطول بعمره هو الي يصرف على البيت
وانتي مغير مسنترتن عند هالنت وفاقتن ثمتس ماتدرين وش سالفة الاسعار

ع الاسعار >احمد ربك شوف لا تروح بعيد الدول الخليجه اكثر من كذا

الرواتب عندك في السعوديه ماشاء الله تقدر تغطي

اميييييين يارب يحفظ ابوووي >>

على سبيل المثال << اهم شي الون
سعر سكر الاسرة 10ك كان بـ 24 ريال رمضان الي راح الحين 45 ريال

لا تأخذ سكر الاسره >> اعلان >> يويلي بتنجلد منك





لكن ياترا البعض شلون بيتصرف مع مارزقه ربي من خير... وش مخطط له ؟!؟!
فلانه من الناس بتقوم وتطق لها جوال آخر موديل بمبلغ وقدره
وفلان يقوم ويطق له سياره أجدد من اللي معه
وفلان اخر يطق له شقه غير اللي معاه
وفلان ,,, وفلانه .... الخ

حلوه سياره وشقه براتبين !!
وش رايتس بعد .. والي يبي يطلع هيليكوتر علشان زحمة الرياض !
هذي الله يسلمتس هدية راتبين من ابو متعب يقول وسعوا صدوركم فيها والخير قدام ان شالله


احسك مو عايش في السعوديه شكلك ممتعث في الخارج >> الله يوفقك :d

اقصد اللي راتبهم تطق فوق 30 اسم الله عليك جعلك منهم قريب

مبطي ع السعووديه طايرات >> هع

ايه وسع صدرك...بس تقدر ب الف ريال تكفل يتيم لمده سنه

او حتى تسوي برداه ماء سبيل وصدقه جاريه !! ولا اش رايك

طبعن فيه ناس راح تستفيد منها في تسديد دين
وفيه ناس تبني وموقفين وجاهم الفرج من الله ثم من ابو متعب
وفيه ناس لها سنين ماسافرت وتبي تسافر
وفيه ناس بخير وجتهم زيادة على الخير الي عندهم
وفيه ناس من زمان ماغيروا اثاثهم وهذي فرصتهم

الاهم لحد يبخل على نفسهم ولا على بيته
سواء ابوه او امه او اخوانه او زوجته وعياله
ولا ينسى يطلع منها مبلغ بسيط لوجه الله


الحين انت فااااااااااااااااااااااااهم اش هدف طرحي >> الله ينعم عليك ويهنيكم يارب

ومن ناحية غلاء المعيشه واسبابها والقضاء عليها هذا يطول شرحه ويبله موضوع مستقل

اني ويز
موضوع كتير منيح .. منيح كتير
من انسانه منيحه كتير .. كتير منيحه


يخليتس ربي