الموضوع
:
تحليل شخصيات الأعضاء ( 4 ) .. وضيفنا .. شمالي !
عرض مشاركة واحدة
28-03-2011, 01:30 PM
المشاركة
44
abud3d
تاريخ الإنضمام :
Apr 2002
رقم العضوية :
3
المشاركات:
19,944
رد: تحليل شخصيات الأعضاء ( 4 ) .. وضيفنا .. شمالي !
اقتباس المشاركة الأصلية كتبت بواسطة ツ】لــ ج ــيــن【ツ
شمالي..
مادري شنو اقوول صراحه يمكن يمكن
ماعرفته عدل وماتحاورت
معه لجل هالشي ماقدر احكم على شخصيته..يمكن مريت
معك بمواقف بس اخاف ماتكون كافيه لجل اعطيك حقك
من معرفتي البسيطه لك..
صيته واصل وسمعت عنه الكثير صراحه
في احد المرات صار بينا خلاف بسيط لجل مسابقه
وكنت واصله حدي وماكنت ناويه خير بجد بقولها
بس بأسلوبه اخجلني صراحه تفاجئت من كرم
اخلاقه وحسن تعامله كله بالهداوه يصير..
صدقني تعلمت هالشي منك وماخبت ابد بالهداوه مثلك
قدرت اهدي واكسب الشخص اللي قدامي وهالشي جدا
عظيم وافادتني وشاكره لك ياخوي ماقصرت بجد الف شكر..
تعلمت منك اشياء وايد بحوارك بموضوع
ادم في سطور..
تعلمت الطيبه منك وتفاجئت وقت قلت دمعتك بطرف عينك
وبسرعه تنزل توضح لي حنيتك واهتمامك بأهل بيتك وراحتهم
وهالشي فاقدينه وايد الحين ..
عزيمتك في تخليص دراستك ووصولك للي تبيه مع انك صرت
ابو يزيد
ربي يحفظه لك وبعد مسؤل عن بيت بس ربي يسهل عليك وين
اللي صارو يعملون هالشي القليل ومن اللي يقدرون يوفقون
بالشغل والبيت والدراسه ربي يسهل امورك..
كل شخص بها المنتدى تعلمت منه شي مو من عوايدي اتم اكثر
من شهر بمنتدى وامشي بسبب اهله وماعنهدم سالفه بس هذا
لو احد يعرف شلون كنت اول ماسجلت مايصدق ان انا الحين بها الصوره
واللي يبي يتأكد يطالع ردودي..^ـ^..
شمالي
كان واقف مع الكل بالبدايه وانت تعرف شنو كان اول حوار
بينا وبأي موضوع والعيار ماقصر بهواشي بس انت كنت ذووق
واجبرتني احترمك مااقصد بكلامي هذا اني مستعده اهواش
الكل لاوالله بس مااحب احد يتعدى علي او مايحترمني
وواجهت هنا وايد لكن قدرت اعديهم وتميت مع الافضل..
وكنت انت من افضلهم صراحه..
ماقلت كل هالخطبه كلها من عبث بس فرصه لجل اقول شنو
علمتوني شنو قدمت لي
شمالي
بكرمك وطيبك وربي
انك تسوى الكثير..
وراح اكون هنا ثاني واكتب اشياء زياده متأكده اني ناسيته
شويت ارهاق نساني اللي ابي اقوله لجل هالشي
راح اكون هنا ثاني..^ـ^..اذا تذكرت الاشياء اللي ناسيتها..^ـ^..
فيه عتب بسيط عليك شمالي مو حابته منك واتمنى افهم
هالسبب بس ماراح اقوله هنا وبتم ساكته يمكن لك
اسبابك ومو حاب تتكلم وتأكد عمري مااسئت الظن بأحد
لاانت ولاغيرك وكل شخص اعمل له الف عذر حتى لو ماكان
له عذر بس لجل تبقى النفس نظيفه من ناحية الكل وهالشي
مريحني ولله الحمد ومافي احد له بقلبي ولا شي كله عتب وبيزول..
مشكوره
يالبريئه
على هالمساحه اسمحت لي اتنفس بعمق..
ممتنه لك وممتنه لك
شمالي
على كل ماقدمته لنا انت والافضليه هنا
وراح اتم اعطيكم كل اللي عندي يمكن ارد لكم شي بسيط..
وللحين قدمت كل شي ومادري لو بقى فيني طاقه..؟
حماكم الرحمن من كل اذى..
واسأل الله العلي العظيم ان يذيقنا السعادة الحقيقية والدائمة
ويرزقنا رضا الله في الدنيا والاخرة وان يلقيني بكم في اعلى الجنان
في يوم لا ينفع فيه لا جاه ولا بنون
الا من اتى الله بعمل صالح ينفعه وقلب معافى..
تقديري واحترامي لكل من كان هنا ومن سيكون..
لجين وما ادراك مالجين
انسانه لها بصمه مميزة في المنتدى لها حضور غير
تكتب ونقرأ ولا نمل
عزيزتي
اشكرك الشكر الجزيل على كل ما قلتي
وربي يجعلني اكون عند حسن الظن وابيض الوجه
والحمد لله الذي جعلني استطيع ان اقدم لك شي ايجابي وتعلمتي مني لو جزء بسيط يفيدك بحياتك
كلامك لا استطيع ان ارد عليه لأني اعلم اني لن اوفيك حقك
واذا كان فيه شي بخاطر من عتب او نحوه فإنا على اتم الاستعداد لتلقيه وبصدر رحب
رحم الله من اهداني عيوبي
كل الود سيدتي
هذا انا
شمالي