شف وانا اخوك

ابتكلم معك بصراحه

فيه ناس اصدقاء وعزيزين على القلب

بس تلقاه ما يقدر ابد

يعني يدق عليك ويطلب منك طلب

اذا اعتذرت منه زعل وجلس يفسر اعتذارك انك ما تبي تخدمه في الشغله هذي
و كل ما شافك قام يشره عليك

هذا ماله حل الا انك تصمت جوالك اذا دق وتطنشه

اللي ما يقدرني و يعرف اني لو بيدي شي فزعتله ويسوي نفسه غبي
لا والله لابوه لا بو صداقته


اتكلم لك من شي بخاطري
وتصير معي كثير وتغبن

لو اجلس اعدد لك المواقف اللي تصير من ناس اعتبرهم بحسبة خواني والله ما نخلص ولا بعد شهر


بالنسبه للامور العاديه

ارد عادي لو اني مشغول قلت له مشغول
اذا ما قدرت ارد
دقيت عليه اول ما افضى


اكثر شي اكرهه اذا جاك واحد يشره
وهو ما يدري عن ظروفك



بعدين يالغالي فيه ناس
عندهم نسيان غيييير طبيعي >>> اتكلم عن نفسي

يا خي تخيل واحد رايح للدوام بدون نعال الله يكرمكم

واخرها اليوم طالع من البيت ناسي جوالي
ما ذكرت الا يوم وصلت المكتب


ماله داعي نطلع الفضايح الثانيه



اللي ابي اوصل له

الناس عندها ظروف عمليه واجتماعيه ونفسيه تخليه ما يرد في بعض الاحيان وبعض الاحيان ينسى ان فيه احد دق عليه
لو انه يقلب الجوال 24 ساعه





تحياتي وتقديري لك

موضوع يستحق النقاش