كنت أمشي وأمشي وأمشي...وفجأه !/ بالصور
السلام عليكم يا قماعة الربع
شسمو كيفكم شخباركم
رجعت لكم مرتن اخرى بس هالمره لاحد يضحك ابدا والا بزعل منكم اقوى شئ
امزح اضحكوا ادري اني توحفه 
شوفوا هذا عمود الكهربا القميل اوي...الحين احكيلكم حكايتي معاه
طبعا في الجنوب الحبيبه ق1..اعمدة الكهربا زي كذا خشبيه
ومرراا يوم كنت بالمتوسط يعني تقريبا قبل 8 سنين كنا في زواج احنا وبنات عمتي وهيك
عاد اخر الزواج قالوا بنات عمتي احنا بنروح وتعالوا بيتنا نتونس وهيك...وانا اللي ماصدقت خبر قلت معاكم
المهم وصل ولد عمتي واخواتي وبنات عمتي كلهم طلعوا وانا لسى بلبس الغطوه
واقولهم انتظروني وهما طلعوا وخلوني ...عاد انا مستعجله فحطيت الغطوه كذا من غير مافتح الحبل واربطه من جديد
فايش اللي صار !....صارت فتحة العيون عند الجبهه 
...وطبعا عالبرقع فيه طبقه كمان خفيفه
فصرت مو شايفه شئ ابدا .... المهم قلت الحل الوحيد اني ارفعها من تحت شوي واشوف طريقي
وصرت امشي وامشي وانا اطالع عند رجولي بس...وطبعا بلا شك المكان برى كلوووو رجال ينتظروا اهاليهم 
المهم شوي ماحس بنفسي الا راسي كلوو يصقع في العمود
وعاد تخيلوا امشي بسرعه وفجاه اصقع في خشبة اكبر مني مليون مره
ياعمررري علي من قوة الضربه حسيت نفسي دايخه ومسكت في العمود بايديني وشوي طحت عنده
مادري حسيت اني زي افلام كرتون بس كان ينقصني عصافير تدور حول راسي
واهم شئ في الموضوع اصوات الرجال اللي يضحكوا .... اللي تخليك تحس باحباط واحراج العالم كلو فيك 
عاد في الاخير شلت عفشي وقمت ابكي ورحت عند اختي ابكي واخاصمها في السياره
ولان مافي مكان ركبت قدام عند عمتي ...وراحت شالت غطوتي تقول بشوف فيك شئ والا لا
وانا اقولها ولدك بيشوفني ...<<مسويه تستحي ... قالت ولدي مابياكلك
<< على فكره عمتي هذي من كثر ماطيح في بيتها ويجيني جروح وكدمات العالم كله اخر شئ قالت لاتجي عندي ههههه طرده معتبره
واخيررا الشئ اللي قاهرني اكثر شئ ...ان ولد عمتي هذا متزوج اختي الحين
وكل مامروا من نفس المكان يقول تذكري اختك يوم ضربت في عمود الكهربا << سؤال اوجهه لزوج اختي : ماعندك حاجه ثانيه تنشغل فيها ! << فيس يطالع بنص عين
والشئ اللي احمد ربي عليه ان ذيك الايام ماكان فيه جوال كاميرا والا كان صرت عاليوتيوب مع مرتبة الشرف.gif "56wat 7cc 0(24)")
مايستفاد من الموضوع : انتوا اكتبوه هالمره لاني ماستفدت شئ من هالموقف الا المحشات هههههه
;kj Hlad ,Hlad ,Hlad>>>,t[Hi !L fhgw,v
~{•• اللهم أنت ربي لا إله إلا أنت خلقتني وأنا عبدك،،
وأنا على عهدك ووعدك ما استطعت،،
أعوذ بك من شر ما صنعت،،
أبوء لك بنعمتك علي وأبوء لك بذنبي،،
فاغفر لي فإنه لا يغفر الذنوب إلا أنت••}~
التعديل الأخير تم بواسطة ~أنثى مخمليه~ ; 11-09-2011 الساعة 01:10 AM