فيه أحد يزعل فيل؟!
الحيوانات (أعزكم الله) .. مخلوقات عطاها الله سبحانه طاقات محدوه وقدرة تحمل معينه
وزي ما للإنسان مشاعر وأحاسيس وأخلاق تقلب في أي لحظه وتصير تجاريه
الحيوانات بعد نفس الشي .. تقفل معها بسرعه لأي سبب .. وما تعرف تتفاهم .. خصوصا إذا أسأنا معاملتها
ما أطول عليكم .. لإني إن بديت أتفلفس عليكم ما راح أطلع من الموضوع وبس
إلا بطلع من المنتدى بكبره وأنا ما قضيت ولا طلعتوا بنتيجه 
عشان تسذا خلوني أسدح لكم اللي عندي والشكوى لله 
هذا فيل في الهند .. مدري وش سووا له انتم يا ال أبو هنّود 
وخلوه يخربها معهم ويحوس أم المعرفه اللي بينه وبينهم
هنا بعد ما هاج عليهم وهو منطلدز يدور أي أحد قدامه عشان يحوس مريره 
طبعا نرى الاختباصه اللي صارت وكلن عط من الخوف
أول ما لقى الشبحات حقتهم 
.. لعب فيها بلياردو بخرطومه 
شافها ما تبرد تسبده .. قام شق الشعيب ونصى الشارع 
مدري وش يبي راعي ذا الجيب مسوي فيها هامر هو وراسه جاي معترض طريدزه
فك له الله بعد ما عطاه الفيل تسف قانوني خلاه يفتر شوي بغى يندزلب
واضح من كفر السياره الامامي إنه دار به راسه وابترم يسار
عاد الكاو .. اللي هي انتي يالبقره .. معروفه عندهم
محد يلمسها ولا يجيها بحكم إن بعضهم يعبدها الله لا يبلانا
وذا الفيل عطاهم أشكل هم وذا النظام
أول ما شافها قدامه محط بها ومردغ اللي جابوها
ذا أبو قميص مقلم من قو النحشه ما بينت خطوط قميصه في الصوره
والله ما نفع معه لا زوووم ولا رزيلوشن خخخخخخخ
حتى الساعه بينت أكثر من يده من زود السرعه
لا وأبو أصفر ذا اللي في آخر الصوره مسوي واثق وما همه
لأنه شايف الفيل لاهي يمزمز على الكاو 
هذا عاد يعور القلب .. راح فيها المسكين
زنطه بخرطومه ومحط به على الدرج لين فقد
واضحه آثار الدم على الدرج 
بعدها لحق المصورين اللي زبنوا فوق الدرج
هم وذا العسكري اللي ماسك بندقيه أم صتمه .. مب عاقل رامبو على غفله
أنا ما قهرني إلا أبو بنطلون موف .. يخرب بيت اللون والذوق قبله
احترت ودي أفهم وش ناوي يسوي على ذا الحركه
هو بينحاش أكثر من تسذا .. وإلا ناوي يطب تحت وهو ما يدري؟!
ايس كلام سديق؟! 
.. ايس فكر انتا سوي؟! 
وتم حدحدة ذلك الفيل المتفلت بواسطة دوريات الفيله
الظاهره أمامكم في الصوره بس بدون سفتي وونان .. وتستخدم الحبال بدل الكلبشات
انا محيرني ذا الحبال اللي وش كبرها .. شلون يربطونها في بعض؟!
وأخيراً .. تم قتل الفيل على سكة قطار
كآخر حل للتخلص منه وخطورته .. بعد ما أعدم الدنيا عليهم
عشان تسذا .. نصيحه .. لحد يزعل أي حيوان
سواءاً أليف وإلا مب يم الألافه .. عشان ما يحده على أقصاه ويجيب العيد فيه 
استمتعوا بالرحله والمنظر .. بس من بعيد 
™ تشاوو .. يرحمكم الله
tdi Hp] d.ug tdg?!
مؤشر يلامس هذا التصميم
فيصدح "صوت أخاذ" بترنيمة مؤثرة
تحاكي بعضاً من إحساس مكبوت أتعب الحال
تـنـــويه :
(حرفي/ بقلمي ولا حلل الله اللاطشون)
عبارة أتمنى أن تجد صداها في كل ضمير حي
سامح الله من تراجع عن خطأه في استعارة أحرفي
ومن استمر .. فالله حسبنا وحسبه !!
التعديل الأخير تم بواسطة ][ سعد الرجه ][ ; 14-09-2011 الساعة 02:28 AM