الموضوع: انت شاب سعودي اذاً غير مرغوب بك ...
عرض مشاركة واحدة
قديم 01-10-2011, 02:21 PM
المشاركة 15
الصورة الرمزية ~أنثى مخمليه~
~أنثى مخمليه~
عضو ابدعنا بحروفه
  • غير متواجد
رد: انت شاب سعودي اذاً غير مرغوب بك ...
السلام عليكم ورحمة الله



موضوع في الصميم أخي..




من منطق تخصصي الفيزيائي...فإن الضغط يولد الانفجار !




ومن الناحيه النفسيه...فإن الشخص المقابل لك...سيتصرف معك حسب الرساله التي توجهها له إن كانت سلبيه او ايجابيه



واخواني في السعوديه.. طول عمرهم مطبقين في قدر ضغط..ولما نطلعهم نقوول لاتنفجر ولاتصدر أي حركه !




اخواني لسى فيهم خيررر لسى...الخميس كنا في البر...وجوا شباب جلسوا قريب منا بس مو مرا



والله بنفسهم من غير حد يكلمهم شوي وغيروا مكانهم عشان احنا ناخذ راحتنا..



وقبل فترة رحنا البحر ..ونفس الشئ جت شله كثيررره وعندهم طقطقه ووناسه...واحترمونا برضو وقاموا




ليش نتوقع الخطأ منهم وهم لسى ماسووا شئ...عشان غيره أخطأ.؟




ليس من حق المجتمع أن يعاقبهم على أخطاء غيرهم...او يحمله ذنب غيره




إن أردنا اصلاح شبابنا وتقويم تصرفاتهم...نبدأ أول بمعاقبة اللي يستحقون العقاب..عشان غيرهم يرتدع




اللي يغازل ...واللي يقل أدبه...واللي يكسر في اليوم الوطني...ينسحب على خشمه عشان يتعلم(اسمحوا لي على هالكلمه)




وان كان في الطرف المقابل من الموقف فتاة هي من تستحق العقاب...تنجر من شعرها وتتسحب عشان تتعلم الادب




او حتى ممكن نفرض عقوبات ليست فقط قمعيه...عقوبات تكون بصالح مجتمعنا..نخليهم ينظفوا البحر..نضعهم في جمعيات خيريه




يهتموا بشئ معين فيها..ترتيب تنظيف..قروبات تطوعيه .. اي شئ يخدم مجتمعنا




لان هم سبب اللي يعانوه اخوانهم..




واكيد الاهم مانعاقب ونوجه توجيهات نظريه...نوفر بديل ذوو جووووده عاليه...تليق بقدر اخواننا وثروتنا




المفحطين...نعمل لهم راليات وحلبات سباق ...واتوقع انهم بداو فيها الحين في حائل والرياض وجده




اللي يكسرون...معناها عندهم طاقه لا اله الا الله.. تكسر الدنيا...




ننشئ لهم نوادي كاراتيه ملاكمه تايكوندو...( مادري هي كذا صح تنكتب





اللي يغازلون ... مادري وش الحل لهم صراحه ههههه معناها عندهم اسلوب جميل...




يمكن نحطهم في كلاسات ونوزع لهم اوراق يحطوا كل عبارات الغزل اللي يعرفوها..




الاسواق...ممكن سدا للذرائع...يتخصص يوم للشباب يتسوقوا فيها ويجتمعوا وينبسطوا





الهكرز وماشاء الله صيتهم عالي هاليومين..




نسخر لهم وسائل التكنولوجيا الحدييثه في مراكز..و أكيد أكيد حيعملوا ثورة تكنولوجيه في اطار سليم في بلدنا





و هالفكره دارجه في الليموزينات..شاب سعودي يوقف..الحرمه تطالع ورى يعني اني مو شايفتك وادور على تكسي ثاني




والهندي تركض لين توصل للتاكسي قبل مايوقف...وياااكثرر سوالف الهنود والتكاسي وبلاويهم





اذكر مرا ركبنا تاكسي كنا راجعين من المطار...والي يسوق شاب سعودي من ابها جلس يسولف مع ابوي




تخيلوا....يدرس طب ويسوق تاكسي عشان يصرف على خواته وامه لان ابوه ميت ..ماقول الا الله يحفظه لاهله ويوفقه




شبابنا بصراحه يستحقوا نضرب لهم التحيه... ونعلق على صدورهم وسام..على كفاحهم وصبرهم ...




وشئ مهم كمان...لازم الشاب بنفسه يبذل جهده ...يسجل دورات يشغل نفسه بمواقع منتديات راقيه زي الاماكن...





يعمل قروبات يعملوا مشاركات في المولات...زي مرا رحنا مول كذا عاملين شباب ومجمعين الاطفال والشباب في نص المول





واناشيد وعروض وشئ جدا رائع ...طبعا بتقولوا احنا نبغى ندخل وذي تقول قروب خلينا ندخل اول..بس الواحد يبذل جهده




يتواصل القروب مع ادارة المول ...ويتفقوا واكيد بيوافقوا لانه شئ بيجذب الزوار والمتسوقين للمول




لابد الواحد مايستسلم للروتين والسلبيه..يحاول قد مايقدر..حتى لو تعملوا قروبات تحاولوا توصلوا صوتكم وافكاركم للمعنيين بالموضوع




واخيرا..أكييد إن:


لكل شريحه في مجتمعنا حق لازم تاخذه كامل مكمل...ونعتمد حسن الظن...واعطاء شبابنا رسائل ايجابيه جدا





حتى يكونوا ايجابيين في حياتهم وفي تصرفاتهم ...





احمم وسوري عالاطاله ...بس تحمست للموضوع ...لان جد حقكم مهضوم...الله يوفقكم ويسخر لكم يارب



أختكم

~{•• اللهم أنت ربي لا إله إلا أنت خلقتني وأنا عبدك،،


وأنا على عهدك ووعدك ما استطعت،،


أعوذ بك من شر ما صنعت،،


أبوء لك بنعمتك علي وأبوء لك بذنبي،،


فاغفر لي فإنه لا يغفر الذنوب إلا أنت••}~