طريقة عمل الشاورما سهله جدا وسريعه
السلام عليكم ورحمة الله وبركاته ...
كيفكم اخواتي العزيزات واخواني العزيزين .... ان شاء الله انكم بخير ..
طبعا بما اني مغتربه ومااعرف اطبخ وجالسه اتعلم والحمدلله صرت احسن من اول بكثير ... خخخخخخ يعني مافيه تسمم ان شاء الله ..
جبت لكم اليوم طريقة سهله مرررره وسريعه للشاورما بطريقة ضمآي ... اللي هي انا <
اول نبدأ بالمقادير ..
1- صدور دجاج بدون عظم وجلد
2- ليمون
3-فلفل اسود
4- كمون
5- خل
6- زيت زيتون
7- ربع حبة ماجي
8 - ملح
9- فصين ثوم + كزبرة او بقدونس ناشف
10- بصل + زيت للتحميس + بطاطس
طريقة الطبخه ..
طبعا فيه ناس تسلق الدجاج وتنتفه .. خخخ بما اني ابيها سريعه .. سويت مايلي
قطعت الدجاج قطع صغيره وبعدين تبلتها ( بليمون (انا كثرت منه ) + ملعقة كمون + فلفل اسود + وملعقة كمون + وملعقة زيت زيتون + ملح شوي مره + خل ( حطيت ملعقه ونص )+ وبشرت ثوم عليها ( فصين ) وحطيت الكزبرة الناشفه لاني احبها وتقدرون تحطون بقدونس بدالها ...
وتخلونها لمدة ساعه او اكثر .. كل مازاد وقت التتبيل كل ماطلع طعمها احلى ... بس للامانه انا خليتها ساعه بس وطلعت حلوه بعد
بعدين تقطعون بصل صغير او اللي تحبونه وتقطعون البطاطس مربعات ..
تحطون البصل على الزيت وربع الماجي هذي تحطونها مع البصل وتحمسونه لين يشقر < اشقر على اشقر طمبق طمبق هههههه امزح والله
لا شقُر نحطون عليه الدجاج مع تتبيلته .. وعلى طول تحطون البطاطس عليهم ( تستوي ترا لاتحسبوونه ماراح تستوي وبتطلع احسن من القلي لانها خفيفه وقليلة زيت) .. وتقلبون تقلبون ليييين تنشف الموية والدجاج تشوفونه تحمر والبطاطس بعد .. وبعدين تجيبون صامولي عاد واحلى ساندويشات مع المايونيز
وبس صحيتين وعافيه ...
واعذرووني على الاسلوب مره انا مااعرف انسق كلامي وتكلمت بالعاميه ..
علموني كيف الوضع .. عاد انا والله توني مخلصه منها وتعشيت .. لذيذه ونظيفه وسريعه وسهله يازين اللي تعرف تطبخ
وشكرآ ..
'vdrm ulg hgah,vlh sigi []h ,svdui
وقــــل ربِ ارحمهمآ كمآ ربيآني صغيرآ
التعديل الأخير تم بواسطة ضمآي انت ; 17-01-2012 الساعة 07:03 AM