الموضوع
:
صفحتي .. ثرثرة وضحكة وهمسة !!
عرض مشاركة واحدة
06-04-2012, 02:43 AM
المشاركة
299
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
تقدير تستحقونه ولا تفيكم الكلمات .. !!
تسوى عيوني
/
لا شكر على واجب أختي .. اعلمي أيضاً أن دفء الحب الأخوي في الله .. ينعش الفؤاد عندما تقع المقلتين على كلماتكم الطيبة .. كل عام وأنتِ بألف خير وأسعد ما تكونين إن شاء الله
اغلى حبيبه
/
ولا حرمني الله شرف أخوتكِ وأمثالك من الطيبين .. ويبقى الجمال بصمة لا تظهر إلا بحضوركم
راقية بقلمي
/
حرفي هو الذي أصيب بالبكم أختي الكريمة .. من لباقة وأناقة .. وجداول رقي تنهمر من مفردتك الفاخرة .. ممتن وأكثر يا راقية
شفافه
/
من ناحية يستهبل يستهبل .. ويحب يبهر الأشياء لزوم النكهه .. بس أشياء تجي منه طبيعيه وحلوه رغم الإحساس بالدلاخه اللي يصيب الواحد وهو يسمعه يسولف
لا تخافين زي ما يضحك علي .. ما أخلي حقي يروح لازم أهزأه عشان انبسط
.. وأكيد أختي .. لازم نحاول النسيان ولو مؤقتاً وبأي موقف
ما ننحرمش منش .. ويديم الضحكه ويوسع صدرتس بالعافيه
& نهر الأملـ &
/
آمين .. ويخليتس ربي لعينٍ ترجيتس .. ودوم الضحكه بقلبتس إن شا الله
هو صراحه وش حليله بقوه وسوالفه تهبل بالعاقل .. وتحلي الئعده زي ما يقولون
الحياة
/
ومحد تفقع وجهه بسبب إجاباته بالعضو المدلل
<< تحسف إنه درعم
شكل ما قراها وفهمها الا انتي .. بس أشوى طلعنا بأحد استانس
.. مب حسافه عليتس لا عدمتس وأنا أخوتس
العطشان
/
عتيّقه لا يغرك اسمها .. عليها زحمه مب طبيعيه وصعب تلقى فيها لو قرنة للإيجار .. إن لقى الواحد عربيه يدفها زين
لا شكر على واجب يا غالي .. تسم أبو عبادي عندنا
الخـلود
/
الذوق انتم أهله وعنوانه أختي أم فهد
.. شهاده أعتز فيها يا غاليه
مابقى لي قلب
/
ويسعد قلبتس ويوسع صدرتس بالعافيه أختي .. الساعه اللي ما به أكبر منها انتس ضحكتي وانبسطتي
شــ ج ـن
/
آمين وياتس الله يجزاتس خير .. ويبعد الهم عن قلبتس وكل مسلم
ههههههههههههه خنفشاريه حتتن وحده! .. الا وش يعني الخنفشاريه؟! .. لا تكون هذي العياره الثانيه لعزيّز الدب؟!
.. اشرحيها وأنا أخوتس تراني رجال على قدي << وين بتفصل ثوب
>> ما أعرف كلمات أجنبيه
الحالمه
/
شكلتس رعصتي تقييم وانحاش الحتسي أو ما أمداتس ع الكيبورد
أهم شي المشاهَد .. وشوفة معرفتس لحالها تقييم وتشريف لا عدمناتس أختي
صمت الحنين
/
امتناني أختي .. وسام يزين صدر الحرف والمتصفح .. ويبهجني
جووود
/
لا شكر على واجبِ تحتمه أحقيتكم وقيمتكم كهامات شامخة أختي .. بل أنا من تغمره السعادة بالتواجد حيث الرقي والفخامة حضوراً وطرحاً .. كوني دائماً بهذه الروح المتوهجة .. وبألف خير
أنثى من جنح الخيال
/
آمين وياتس أختي ويجزاتس ربي كل الخير على الدعوات الطيبه .. شهاده أعتز فيها .. لا حرمني الله حضورتس وأمثالتس
برق ينبع
/
وأجمل منه طلتك البهيه أخوي مشاري .. لا عدمناك وحضورك الراقي
المانشستراوي
/
هيّا شف لك حل يا فرج .. يعني انت ما تخلي عنك حركات الجراديه
.. لازم تدخل وتنادي الواحد بعيارة ولد جيرانكم
بس تعال وش فيك علقت في أقل هههههههههههه .. شكل مثبت السرعه عندك مب مضبوط خخخخخخ
وش اللي أمر كل أسبوع .. والله لو إنكم في مزرعه
ياخي أصلا أنا دايم أمر وما تشوفوني .. شكلكم تدخلون ذا المنتدى وتطق الفهاوه أطنابها على دمجة كل واحد معاد يدري عن اللي رايح واللي جاي
كثر منها رقم سجلك ثلاث تسعات .. منتب عاقل يا راس الحربه
.. أنا رقم سجلي ثلاث ستات
<< قديم راعي اللوحات
راقية بقلمي
/
وتعطش الروح لمعانقة عبيركم المفعم بروح الأخوة والرقي .. ولا تجد للوصل سبيلاً .. وتبقى تقتات على ما تعج به الذاكرة من مواقف وكلمات مصدرها أنتم .. كي تستمد الصبر في الغياب
شكراً من الأعماق أختي ولا تفيك .. على هذا الإغراق ببذخ .. وحتماً بدونكم ؛ معادلة الإبهار منقوصة
لـ ج ــين
/
وما تفقدين غالي انتي بعد .. والنور نوركم أختي
ربي يسعد قلبتس ويعطيتس على قد نيتس .. غمرتيني بكرمتس في الإطراء والتقدير .. لا عدمتس يا طيبه
ريم الماس
/
اووووه موضي راعية الديرم
فيذااا؟!
<< شام ريحة معمول من مسافة كيلو
الله يسلمتس من كل شر .. ويبعد الآه عن قلبتس وكل مسلم
أما طمبق طبمق؟! أبوك يالحماس
.. على ذا الطمبقه تخيلتس داخله تركضين وانتي راتسبتن على سعفه على بالتس خيل
<< شوي بتدرعم في طشت والا زدر
بعدين البسطه ما تحتاج دلاّل ينبح صوته ع الفاضي .. كل مقاضيتس لو حاولتي تبيعينها حراج والا جملة ما جابت خمسة أريل .. كلها طواقي زري على شلقة بيزه مع ديرم يابس وتسمن خط بلده سترتش قالبن لونها
شرط لو تلفين ذا الأصناف في بقشه وتخبطين بها دمجة آدمي مات
على فكره ترى توهم فاتحين سوق في المنتدى تكاكينه فاضيه للحين .. بإمكانتس تبسطين في أطرف عاير على رصيف المدخل
<< عشان الماره يحوسون أبو مرير بسطتها
أرواحكم الجميلة قبل كلماتكم
تستحق الكثير من التقدير .. ولتعذروا أخيكم على التقصير
™
تشاوو .. يرحمكم الله
رد مع الإقتباس