الموضوع: فيض من الخاطر نبض شعر وشعور
عرض مشاركة واحدة
قديم 06-05-2012, 02:12 AM
المشاركة 117
الصورة الرمزية الجفووول
الجفووول
عضو يفوق الوصف
  • غير متواجد
رد: فيض من الخاطر نبض شعر وشعور


لا تشتكي يا واحدٍ بات مهموم
ترى الفرج عند إكتراب الحزامي

وإن كان عينك فارقت لذة النوم
أنت تنام وخالقك ما ينامي

دنياك هذي كلها هم وغموم
وإللي شكى من مرها ما يلامي

واليسر بعد العسر بالدهر معلوم
ما يكتب الله للشدايد دوامي

وإللي دعى مولاه ما عاد محروم
ما دام راعي طاعة وإلتزامي

ذا النون نادى ربه وهو مكظوم
من بطن حوت ومن شديد الظلامي

لو ما إلتجى لله نبذ وهو مذموم
وإللي يلوذ بخالقه ما يضامي

هو الذي وجه إلى النار مرسوم
كوني على إبراهيم برد وسلامي

فلق لموسى البحر من عدة قسوم
وإما عدو الله غدى في عدامي

عصاه تلقاه على سحر مشؤم
إفتل تهم ما يأفكون إتهامي

وأيوب هو عافاه من هم وسقوم
واصبح صحيح الجسم والقدر سامي

حبل الرجا في الله ماكان مصروم
وهو لبث في الكرب عشرين عامي

والمصطفى كم واجه النقد واللوم
كم حاربوه أهل الخنى والخصامي

في الجسم يتعذب وفي العرض متهوم
لكن ربي رد كيد اللئامي

قال إمشي بجنودي وبالحفظ مدعوم
وأنا نصير أللي يلوذ بمقامي

زلزل عروش الكفر والفرس والروم
وأللي وقف له ذاق طعم الحسامي

بنى من الأخلاق ماكان مهدوم
وقامت الدنيا على بدعن ظامي

يالله أنا طالبك يا حي قيوم
يأللي ترى حالي وتسمع كلامي

تجيرنا من حر نيران وسقوم
وأجعل جوارحنا عليها حرامي

طعام أهلها من حميم وزقوم
ياشينها دارٍ من شين الطعامي

ونطلبك يالله جنة الخلد والدوم
وصحبة الهادي بدار السلامي

رحيقها المشروب بالمسك مختوم
والحوض من يطعمه ماعاد ظامي

هذا بعض ماكان بالصدر مكتوم
أجود به لأهل الهوى والغرامي

عشاق حور العين والقصد مفهوم
ماهو هوى ليله وذات اللثامي

وختامها صلوا على صفوة القوم
ذاك النبي الهاشمي التهامي

إللي من الزلات والزيغ معصوم
شفيعنا لا صار يوم الزحامي