منتديات الأماكن - عرض مشاركة واحدة - فيض من الخاطر نبض شعر وشعور

11-06-2012, 02:26 AM

المشاركة 186

الجفووول

عضو يفوق الوصف



رد: فيض من الخاطر نبض شعر وشعور

يالله يالمعبود ياخير معـــبــــــود **** ياخالق(ن) خلقه شعوب وقبـــــايل

ياللي لك الإسلام ركاع وسجـــود **** يرجون فضلك ياوسيع الفضـــــايل

ممكن لو إني قبل الإسلام مولــود **** أقول مالي قبلة(ن) غير حـــــــايل

ولولا مخافة رب موســــى وداوود **** أقول مالغيره تشد الرحــــــــــايل

أحب وديانه على أجباله الســــود **** ياوين أبلقالي بدلها بـــــــــــدايل

لو ماأملك ألا باالجبلين مفـــــــرود **** ألذ عندي من مرابح موبـــــــــايل

والطيب لو إنه له بلاد وحـــــــــدود **** ويقال منهم وافيين الخصــــــــايل

أقول كل الناس به نقص بـــــه زود **** ألا من عقاله على الراس مـــــــايل

لاشك قول العنقري قول ماكــــود **** الطيب ماهو لأحد(ن) بالحمـــــــايل

مقسم(ن) بين الأجاويد موجــــــــود **** الحضر واللي يتبعون المخــــــايل

هذا وأنا ماني على الحكي محدود **** خير الكلام قليله بالدلايـــــــــــــل

إن مت ماهني سوى صغير الدود **** ياكل من أعضاء(ن) بها حب حــايل

صح لسانك ياحلو فرحان الشمري
عز الله انك وفيت وكفيت فديتها والله عروس الشمال

رد مع الإقتباس