~_~ لأهــــــل الســنــع ~_~
مساء / صباح الفل على أحلى وأروع وأغلى
إدارة & مشرفين &أعضاء & زوار
شوفوا يا طولين العمر أنا هاليومين صايرة سنعة
طباااخة مااهرة محد ينافسني تصدقون عاد طالبيني في مطابخ المملكة بس
إني رفضت ما ودي أخرب سوق مطعمنا أنا والمستشار
محيميد الرجه 
<< خخخخ لا يكثر بس أخلصي علينا ..
طبق اليوم يسمى بــ الصبيب أو المصابيب أو المراصيع << الله يرصع رأس العدو 
..
وطبعاً هالطبق الجميل من يدين الوردة المخملية 
<< إييه قبل الليل ..
والله العظيم 
أنا اللي مسويته حتي لطعتني النار و تجمهر الشعب حولي ..
المقاديــر :
كما بالصور << ياقلبي على هالبنية يمديكم بس
شغالة تصوير 
..
4 حبات بصل متوسطة + شوية بقدونس (( بالأصح نص صرة خخخخ 
)) نغسلهم
زيين ونقطعهم قطع كبار << شغل العجازيين ..
بعدين نحطهم بالخلاط لا تصيرين سنعة وتشغلينه أصبري بس حطيهم كــذا ..
بعدين نجيب ثلاث أرباع كأس لبن ونصبه فوقهم وكأس مويه نصه دافئ والنص
الثاني باارد <<بدت تتفلسف خخخ 
..
نجيب نص بيالة زيت ونحطها معهم
وبهارات + كمون + كركم + فلفل أسود + ملح
نحط من كل نوع من نص إلى ثلاث أرباع ملعقة << 
من زود الدقة الله من الخراط بس
تكبكب وما تدري وش كثر ملعقة وإلا نص خخخخ ..
وبعدين نجيب حبحرين صغار ( طبعاً حق الهنود الحااااار 
) ونجيب فص ثوم
أو نص فص ( على حسب رغبتكم بالثووم ) نقشره ونقطعه أنصاف أو مهب
لا زم يقطع لأنه بينحط بالخلاط << مخلصة وصااادقة لأبعد درجة ..
والآن نشغل الخلاط كــذا << أقلبوا رؤسكم الصورة مقلوبة ..:
وعلى بال ما الخلاط يخلط نجيب طحين البر
<< ياناااس يمديكم على إستغلال الوقت 
..
[img]
[/img]
شفتوا اللي بالخلاط الخلطة نحطها بطنجرة << 
خخخخ أسكتي لا يسمعك أحد خخخخ ..
قصدي نحطها بقنينه أو قدر أو زبدية.. ونحط فوقها طحين البر ونحركهم << لا أقعدي طالعيهم 
..
و يكون قوامه مو غليظ مرة ولا خفيف تقريباً مثل قوام خلطة الكيك << والله طبااخة خخخخ ..
بعدين نجيب الصاج ( بصراحة ماأعرف أيش أسمه )
المهم حق الصبيب وندهنه بزيت ونحطه على النار إليما يحمى مرررة ..
وبعدها .. 
ألحين يجيء الشغل الصح أرفعي أكمام ثوبك ولمي شعرك ولا زم يكون عندك
أحد يهذر فوق رأسك علشان ما تحسين بالوقت << ياااعيني على النصائح خخخخ ..
نجيب الخلطة ونغرف منها بالمغرفة ونحط على الصاج والنار تكون متوسطة :
وإذا بدأ يحمر يعني بدأ يستوي اللي تحت جيبي
قشاااعة وأقشعيه وأقلبيه على خشته 
<< يا زين الوصف بس الله يعينه عليك خخخخ ..
كــذا :
و هلما جرى يعني أقعدي سووي أليما تقضي الخلطة ..
يكون كذا << ترى أحترق حقها لأنها مطيرة النار على آخر شيء ودها تخلص منه
وقاعدة تهذر خخخخ وما تنتبه له إلا إذا شمت ريحة الحرق خخخ << أمحق طباااخة خخخ..
بعدين جيبي ثلاث بصلات كبار قطعيهم صغار مو كبار وحطي عليهم شوية زيت
وخليهم على النار يعني نحمسهم << لا ياشيخة أحلفي جايبة شيء جديد خخخ ..
بعدين نجيب عسل وأهم شيء يكون بلدي << يازين الصدق بس ..
نحطه فوق البصل ونحركه بالملعقة << لا بيدك أزين خخخ ..
وآخر شيء نجيب صحن التقديم ونصف دور واحد من الصبيب وبعدين نحط فوقه
البصل + العسل وبعدين دور ثاني صبيب بعدين فوقه البصل + العسل
وهلما جرى وهذا هو شكله النهائي << حلوة النهائي أعجبتني ..
من جد ترى حقي أحترق لأني مليت وأنا أزينه طيرت الناار عليه ..
** ملاحظة :
ترى له كذا اسم أحد يسميه صبيب و أحد مصابيب و أحد مراصيع و ناس
تسميه خبز صغار بالعسل والبصل خخخخ ياعيني على الدلع ..
وبالهناء والعافية على قلوبكم ..
قمرهم جربيه وعلميني عن النتائج << يقطع أم التوهيقات ..
والمرة الجاية أنتم حددوا وش أطبخ << لا تكفين بشويش علينا ..
تحياتي لكم جميعاً :
الشيف 
..
الوردة المخملية ..
Z_Z gHiJJJJJJg hgsJJkJJu
أتـيـت الـقـبور فناديتها .... أين المـ ع ـظم و المـ ح ــتـقـر
تفانو ج ـميعاً فما مـ خ ـبر ... و ماتوا ج ـميعاً و مات الـ خ ـبـر
فياسائلي ع ـلى أناس مضوا ... أما لك في من مضى مـ ع ــتبـر
التعديل الأخير تم بواسطة ! °• الـمـ خ ـمـلـيـة •° ! ; 04-07-2007 الساعة 07:55 AM