الموضوع: أرتجــف قلبي ووصّى يايصـاحب أو يموت ! (وقفه مع الماضي)
عرض مشاركة واحدة
قديم 05-10-2005, 02:33 AM
المشاركة 8
الصورة الرمزية admin
admin
عضو يفوق الوصف
  • غير متواجد
مشاركة: أرتجــف قلبي ووصّى يايصـاحب أو يموت ! (وقفه مع الماضي)

عنود كم مره قايلن لتس لا تتهاوشين و لا تمزحين مع اختس مفرعنتن الشوشه تراها اكبرمنتس بعشر سنوات يالله هذي اخرتها ماسكتس مع شعرتس ومغطسه وجهتس في كيس فحم ناقصتس عصاتين وطبله


الله ياعنوط ذكرتيني بالماضي والايام الحلوه

ذكرتيني بعمي الله يرحمه في ديرتنا كان عنده دكان مافيه الا صندوق ببسي وصندوق ميرنده وبسكون مينو وبسكوت السعاده وحاط قدام دكانه حبل كله طيس سيارت عاد اذا قعدنا عنده بعض المرات فالدكان يروح كم مشوار ويخلينا فالدكان عاد حنا اذا راح نشرب ببسي وناكل بساكيت ونشلح خمسة اريل من الدرج وهو مايدري واذا جاء الليل رحنا تمشينا <<< كاشخين من قدهم معهم خمسة اريل , الله يالدنيا ,وكنا ذيك الايام في ديرتنا ننام فالسطح على الطراحه ونتلحف بالشرشف وقبل مانتلحف كل واحد يعبي ثمه ماء ويقعد يبخ على الشرشف واذا هف الهواء هواء اطلق من مكيفات LG دخنا وجانا النوم وسبحان الله لافيه عطاس ولا زكام ولا الخشم يتسكر بس عاد اذا قمنا من النوم لابد الفراش رطب وفيه دواوير صفر <<< كله من الببسي ياربيه وش اقول وش اخلي كانت اياااااااام
تذكرت شوشت نوير بنت جيرانا وخشمها انواع النخارير




فالحقيقه عنود مواضيعتس دايمن هادفه بنمط فوكاهي تلامس ارض الوقع اللي يقراها لا يشعر بالممل الى الامام



بعدين عندي ملاحظه
ليه كذا من اللي تغيّر حنا ولا الزمن
الاخيره ليش اختلف لونها عن البقيه


تشااااوز