البيبسي وما ادراك مالبيبسي
السلام عليكم ورحمة الله وبركاته
ابصراحه ومع هذا الجو البارد الي نعاني منه
وفي فصل الصيف بذات
جالس اكتب الموضوع وانا برداااان
وذابحني البرد
وماكلتني اللوز
والحراره H اتش يعني عندي المويه تفووور
بس وش نسوي
جالي كم يوم وانا اشتهي البيبسي
اللهم اكفنيخ بما شأت
يا ناس هذا البيبسي ادمان وتعب وعلينا
بس وش نسوي
كذا الدنيا متاعب
المهم وانا اكتب بالاإهدائات ابي بيبسي والكثير مطنشني
كتبت بالاقتراحات
لو يحطون ثلاجة بيبسي مثل ستار اكاديمي
ايه وش الفرق بينا وبينهم
ومنتدانا احلى منهم بعد
بس مدام رولا اوه اقصد حبيبنا العيار قال ان شا الله مع هذا التطور راح يحطون ثلاجة بيبسي 
ولا بيبسي الشرقيه بعد
اموت بالشرقيه انا
الزين نجدي والدلع شرقاوي
يعني الجميح نجدي والطعم شرقاوي
ينعن ام التفكير يا ناس والله اني ذكي بس منهو طالع عليه ما ادري
انرجع سالفة بيبسي الشرقيه
ذكرو لنا في هذا المنتدى الكبير ان هلالي ماركه يجيب كراتين من الشرقيه
ابصراحه انا تعولت
وقلت ليه ما نشتري
ماش لقيت الولد غالي حيل
قلت خلنا نسوي مكاسر الحريم
كم اخر
اخركم
كم اخر
اخر كم
كم اخر
اخر كم
كم اخر
اخر كم
وما طلعنا بنتيجه كل ماله يزود
يا قمرهم شوفي حل مع اخوك خليه يخفض ولا شي
قالت طيب
وقف السعر عند 450 ريال
مع حق المشاوير وغدا السواق الي جابه علي بعد
هذا اذا ما هوب فطور
وانا الي تقفل معي
واقول لهلالي ماركه
انا احب ياسر الكاسر ورنا المكاسر
ومير يرصعني بخمسميه
وانا الي يضيق صدري واقول
هي اخبر في الصن اربع ميه وميه
مو خمسميه وحده
الصن للي يعرفون البلوت
والي ما يعرفون
يعني نعطيهم في الاونو
يا هلالي ترى ام اربع مو مثل اعكس الدور
وانا اخترت اللون الازرق
قدر وستب كل شموخ خلنا نطمرها واخذ البيبسي
واثاريه شويب ذا الولد قعيطي موزي الكراتين بغرفته
وش السوات يا ولد
وانا الي ريقي ناشف
وتقفل معي
لا مدام رولا حطة لنا ثلاجه بيبسي بالمنتدى
ولا الهلالي اكرمنا بذا الازرق
لا واسطه ولا غيره
اتوقع
ماينفعك الا ريالك
وانا الي يجيني النشاط
واروح واشغل حصاني موديل 82 بدون استبنه
وادعس له لين احتمى
وادق به ريوس عشان ما اصدم حمار ابوي موقفع قدامي
واروح لقرب سوبر ديلوكس
يعني سوبر ماركت ديلوكس مدري وشلون طلعت
المهم
وانا راكب حصاني ال 82 وهو الي من البرد ينتفض
وادعس له
عاااااااااااان عاااااااااااان عاااااااااااااان عن عن عن عن عااااااااااااااااااااااااان
لين بدى يركد وانا غلي احطه بدي وامشي به لين وصلت البقاله الي قلتها انفا
وهي س و ب ر م ا ر ك ت تو اخوي ينقلني اسمه
وانا الي ادخل واطل على ذيك الثلاجه
وانا القى ذاك الي يهول يا ربيه
وش اسوي فيه
والله انه طير عقلي
بياض يا خذ العقل
عليه ذاك الحمار وفيه خط اسود بعد
يا ويل قلبي قلباه
يا ربي يا حبيبي
اللهم ثبتني على طاعتك
وانا الي امد يدي لمخباي ( جيبي ) واطلع جوالي ابو كميره موديل 3266 واحطه على تصوير
وامشي بشويش لين راحوا الناس
وانا الي امصع ذيك الصوره على استحياء
يوم شافني الهندي
قلت ان قال شي والله لامزع وجه بطراق ابرمج وجه على 21 قناة
نصها مشفر
المهم قعد يحلطم
قلت وش تقول
<=== بدى الهيط
ويوم ناظرني بعيونه الحمر
وانا الي اقوله كم هذا
وجبت الصوره وهذه الصوره
يا يل قلبي ياناس يازين الحلوين
يا ويليه اذوووووووووووب ادووووووووخ انا وميت فيه
هلي لا تحرموني منه
هذا الي صورته
واخذ من هذا نوع ومن الكولا نوع
واجي طيران
وانط على حصاني يوم انكسر ظهره
وانا الي انزل واجيب العفريته وارفعه لين اعتدل ( <======== يلعن ام الفقش )
واركب واشغله
وعااااااااااااااان عااااااااان عن عن عن عن
هذي صوته الحنحنه 
وادق ريوس وادعس به ويفر مع اللفه 
ومشغل شريط راشد الماجد اغنية
قالت وش اكثر شي يعجبك فيني
قلت طعمك وبرودتك يا لبى قلبك 
واجي للبيت طيران داق اللطمه لان البرد ذبحنا يا ناس وهذا الكلام الساعه 2 ليلا وصيفا في مدينه الرياض طبعا شرقها
وادخل مجلسي الرايق
وقلت عشان اقهر الي قهروني وعيوا يبعوني
حطيت البيبسي على اللابتوب وصورت بالكميره المذكوره اعلاه
موتوا قهر يا قمرهم ويا هلالي
ترى نسيت الي طلعوا معكم للملاهي بعد خليهم يموتون قهر
وهذي صوره بعد 
اتعب انا ادوخ فيهالبيبسي
ترى اثنين شاري اثنين عناد في قمرهم
والله انهم فتنه
احلى شي في الدنيا
البيبسي ومنتدى الاماكن
اتمنى انكم استمتعتوا بالموضوع
مع العلم اني متوقع على هالتعب
بيروح للماصله بس مع موكب
وتحياتي لمن دمر حياتي
اقصد البيبسي
وسي يوووووو
يطالع قرية التوت وهو يكتب الموضوع في الصباح في الساعه 7 صباحا في القناة الاولى كح كح كح
hgfdfsd ,lh h]vh; lhgfdfsd