رائعة من روائع طارق المحياس
قصيدة .. ليه
يقول لي ليه تكتم بصدرك الظنك=فرج ترى الدنيا علينا ثقيله
فرج ترى سيوف الدقايق بتطعنك=ومحدن يشيل همك ترى انت تشيله
خايف من همومي وبعد اللقا عنك=وخايف ابين لك أمور مستحيله
الله لو تدري حبيبي شبقى منك=حلو السوالف وذكرياتي الجميله
من بعد ما خليتني صرت مدمنك=والدمع من عيني تزايد هميله
أواسي نفسي يمكن انساك وأضعنك=ألاقي قلبي يقول مالي بديله
لا تظن قلبي في زواياه يركنك=والله حبك فوق راسي أشيله
بس انت وحدك في وسط روحي اسكنك=ارجع تراها الروح بعدك عليله
تدري ان قلبي صار بيتك و موطنك=وتدري ان مالي أي حد اشتكيله
هذا جزات اللي على قلبه أمنك=ترحل وتبعد وأنت اهله ودليله
بدفن في قلبي ذكرياتك وبدفنك=ياللي عيونك ناعسات وكحيله
دونتك بشعري واحساسي دونك=جمعت احاسيسي وهذي الحصيله
ان كنت تقوى البعد فالروح مسكنك=وش ذنب خل اتخلى عنه خليله
وان جيتني والله بالروح لأحضنك=وأقول هذا الخل مافيه حيله
احـــــزاااان
vhzum lk v,hzu 'hvr hglpdhs