حقائق زماننا .....ومآسي أجيالنا ( عجب .. عجاب)
عــجــبٌ عُجاب.....يحلف بصدقه ويطلع نصاب !!
عــجــبٌ عُجاب.....تروح السوق تشوف بلاوي مخصرة وهباب!!
عــجــبٌ عُجاب.....تـلقى فساتين مخصرة مفصله ويسمونها عباية أوجلباب!!
عــجــبٌ عُجاب.....تـلقى عيال وبنات مسلمين وماتلقى بينهم حاجزأوحجاب!!
عــجــبٌ عُجاب.....أراهنكم كلكم أن ما قالوا لكم باكر .عباية بنطلون بفتحة وسحّاب !!
عــجــبٌ عُجاب......عنده أخت وأخوات وتلقاه يغازل في السوق حتى لو عند الباب!!
عــجــبٌ عُجاب.....تسوي فيهم خير لأنهم أصحاب وهم خلفك يقولون عليك ولد كلب ونصاب!!
عــجــبٌ عُجاب.....الناس تصلي وهم بالسيارة يدورون حول المسجد كأنهم مالقوا الباب!
عــجــبٌ عُجاب .... أن يولد للنسر .. غراب
عــجــبٌ عُجاب .... ان يصبح القط والفأر .. أحباب
عــجــبٌ عُجاب .... ان تنسى يامغرور انك مخلوق من .. تراب ... ياتراب
عــجــبٌ عُجاب .... أن تموت الأسود في الغابات جوعاً .. ولحم الضأن تأكله الكلاب
عــجــبٌ عُجاب .. من يأتيهم مطرٌ ..... بلا سحاب !!!
عــجــبٌ عُجاب....دين ربي منتشر...وتلقى فينا ابو جهل او مسيلمه الكذاب
عــجــبٌ عُجاب...... إنك تشوف حرمة كبيرة في السن والكحل من الإذن للإذن والروج ((فاقع)) والعطر ((مخلط كمبودي)) والمشية والمصيبة إن الملف في المستشفى يثبت إنها مصابة بالضغط والسكري وتصلب الشرايين ولين العظام وإلتهاب المفاصل!!
عــجــبٌ عُجاب......إنك تشوف واحد من الشباب يرجع من أمريكا يشغلونه مدير قسم في كبريات الشركات مع إمتيازات ما يحلم بها رئيس أي دولة ثانية في العالم وواحد ثاني يدرس في جامعة بلاده يخيس و يعفن في البيت وآخرتها ما يشتغل إلا بعد ما يمسحون بكرامته الأرض!! :احتج:
عــجــبٌ عُجاب...... إنك تشوف أم خليجية متعلمة وواضح إنها مثقفة جالسة مع زوجها وعيالها في كنتاكي وتتكلم في التلفون بلهجه خليجية بحته ومن جهة ثانية تكلم عيالها ورجلها بلغة إنجليزية أمريكية بليغة!!
عــجــبٌ عُجاب...... إنك تشوف وقت أذان المغرب كل الناس رايحين المسجد ماعدا إثنين قاعدين عند باب المسجد طق سوالف وضحك لاحيا ولا دين!!
عــجــبٌ عُجاب...... إنك تشوف شرطي يعطي مخالفة لأحد سواقين التكاسي لأنه وقف في الممنوع بينما توقف قدام هالتاكسي مرسيدس أخر موديل (( فياغرا )) وموقف ممنووووع ومحد يكلم سايقها!!
عــجــبٌ عُجاب...... إنك تشوف البنية تبي تتحجب والأم تقول لها : لاتفغصين روحك وتدمرين شبابك بالحجاب توك صغيرة ومحد بياخذك ولا يواخذك!!
عــجــبٌ عُجاب...... إنك تشوف أحد الدكاترة المثقفين والمتخصصين في التربية يطيح في ولده ((بقوس + دوس في البطن + ترفيس + كفوف + تلشط بلي (( الهوز )) أو العقال أحياناً)) ومع ذلك يلقي محاضرات في فن وإستراتيجية تعامل الآباء مع الأبناء!!
عــجــبٌ عُجاب...... إنك تشوف حرمة تعرف إن رجلها عليه أقساط الزواج الميمون وأقساط السيارة وأقساط الأثاث وأجار البيت ومصاريف الماء والكهرباء وفواتير التلفونات وأغراض البيت ومصاريف العلاج ومعاش الخدامة و و و و و .. ومع ذلك تبي تشتري شنطة من جيفنشي بألف و خمسمية ريال أو أكثر!!
عــجــبٌ عُجاب...... إنك تشوف فيلا ((ثلاث أدوار طول بعرض )) يعيش فيها رجال وحرمته وولدهم ومعاهم خدامتين وسايق وحارس وطباخ!!
يالله عليكم .. هالدنيا مو عجييييييبه !!!؟؟؟؟؟
prhzr .lhkkh >>>>>,lNsd H[dhgkh ( u[f >> u[hf)