الموضوع: موقف صارلي ابي رايك فيه
عرض مشاركة واحدة
قديم 27-11-2007, 12:59 PM
المشاركة 9
الصورة الرمزية }{ كيف أسيبك }{
}{ كيف أسيبك }{
عضو أمتعنا وجوده
  • غير متواجد


أهلاً وسهلاً أجنن بس ماأتجنن

بالبدايه وقبل ماأدخل بموضوعك

أحب أقولك ان في الآونه الأخيـره انتشرت الظاهره هذي بشكل غيـر طبيعـي
لدرجة ان الرجـال الحيـن ماينـزل مع اهله للسـوق او ينـزل اخوه الصغيـر

وكثيـر مننا صـادف مثل المواقف هذي بالأسـواق والمطاعم وغيرها

وأنتشرت أيضاً مقاطـع بلوتوث للبنـات وهم يرقمـون الشباب بأساليـب مختلفـه وأظن أغلبكم شـاف المقاطـع وكلها بالسعوديـه



وانا شخصياً أذكـر صـار لي موقف في بداية العـام الدراسي الماضـي كنت أودي أختـي للمدرسه يوم من الأيـام مع فلة المدارس تركب اختي السيـاره ومعها ظرف رسالـه من طالبه بنفس مدرستها لكن بالصـف الثالث الثانـوي مع العلم ان اختـي بأول متوسط وماتعرف السوالف هذي جت وأعطتنـي الظـرف فتحـته لقيـت مكتـوب فيـه أبيـات شعـر وكلام كثيـر ورقم الجوال بأخر الرساله طبعاً انا ماأستغربت من هذا كله كثر ماأستغربت من كتابة اسم البنت كامل بأخر الرساله !

يعنـي انا اقيسهـا على نفسي وانا رجـال لو أرقـم ماأقول اسمي الكامل شلون البنت تتجرأ وتسويها وكلكم تعرفـون وش يعنـي هذا الشي بمجتمعنا

انا كتمت على الموضوع ورميت الرساله وصـار لي نفس الموقف مره ثانيه لكن مع بنت غير الأولى بعدها علمت اختي وش الرسايل هـذي وقلت لها تنتبه ولا تاخذ من احد شي ثاني مـره

بالنسبـه لموضوعـك عزيزتي يمكن ولد خالتك متعـود لأن البنات يعتبرونها موسم وقت خروج الطالبـات ولو سألتي أختـه اذا هي دايماً تروح وترجع معـه راح تقول لك كثيـر مواقف تصيـر كذا لدرجة انهم يوم يشوفون موقف مثل كذا صـاروا يعتبرونها شي عـادي

وكلمتـك ماأعتقـد ان فيها شي وحتـى ولد خالتك ماأنحـرج ولا شي بس شي طبيعـي يسكت ولا يـرد عليـك لأسبـاب أمنيـه

أشكرك أجنن على جمال أسلوبك في طرح الموضوع وأعتـذر عن الإطاله
دمتي بكل خيـر


.
هُي
لَيْسَ نِصْفِي الآخَر
بَلْ هُي أَنَا
فِيْ مَكَـآنٍ آَخَر
.
.