الســـــــــــــلام عليـــــــــــــكم

مســـــــــــاء / صباح الورد جميعا

حبيت أحط بين إيدينكم درس بسيط وحلو

درس راح يخليك تصنع الابتسامات الخاصه فيك

بالفوتوشوب وتقدر تستخدمهم بالمسنجر

يالله نبدأ خطوه بخطوه وأي استفسار أنا موجوده

أول شي نفتح لير بأي حجم يناسبكم

ثاني شي من أدوات الرسم نختار أدارة رسم الدائره

ماعرف اسمها بالعربي لأن الفوتوشوب عندي انجليزي

المهم هذي الصورة





نرسم دائره بالوسط ونعبيها بأداة التعبئه باللون اللي نبيه

أنا اخترت اللون الأصفر





بعدها نبدأ نحط لمسات خفيفه عشان نعطي

للدائرة اللي رسمناها بعد ثلاثي

نضغط على العلامه fx المحدده بالصورة ونختار Inner shadow






ونختار لون أغمق من لون الدائرة ، أنا اخترت برتقالي قريب من الأصفر

وحط القيم التاليه






بعدها نضيف لير جديد ونختار الفرشه العاديه نفس الصورة ونختار اللون الأبيض






نرسم دائرتين وحده أكبر من وحدهعلى الطرف عشان تعطينا إيحاء أن الدائره

منعكس عليها ضوء ،، والنتيجه هذي







ألحين جاء دور رسم العيون ،، نختار لير جديد

وبنفس أداة الرسم الدائرية نرسم شكل بيضاوي في وسط

الدائرة الصفراء ونعبيه باللون الأسود ،، وندبل (Duplicate) لير العيون

عشان تصير عندنا عيون ثنتين ونحطهم جنب بعض






جا دور ألحين رسم الابتسامه

نختار نفس أداة الرسم الدائرة ولاحظ أن تختارها كالتالي (المربعين المتقاطعين)






نرسم دائرتين بحيث يتقاطعون عشان يعطونا شكل الابتسامه

نفس الصوره






نلون الابتسامه ونقدر نغير حجمها بالضغط على Ctrl + T

راح تعطينا الشكل التالي






جذي نكون رسمنا الوجه الأول

من السهم الصغير الموجود فوق صندوق الليرز

نختار Flatten Image






جذي الليرز راح تختفي وتصير لير الوجه بس

نفتح عمل جديد بنفس المقاسات

ونسحب صورة الوجه المبتسم ونحطها علىه

ونخليها لبعدين لأننا راح نرجع لها







ألحين نرجع لصورة الوجل المبتسم(عملنا الأصلي) اللي سوينا لها Flatten

ومن صندوق الـ History نلغي آخر عمليه سويناها وهي الضغط (Flatten Image)

جذي راح ترجع الليرز كلهم تحت بعض






نحذف ليرات العيون ولير الابتسامه

ويبقى عندنا بس لير الدائرة الصفراء والانعكاس اللي باللون الأبيض

نرجع نرسم العيون ونعبيهم باللون الأسود







وبالضغط على Ctrl + T نقدر نتحكم بمقاسات العين وارتفاعها

وعند الضغط على الأداة هذي (تلقاها فوق) تقدر تعطيك تحكم أكثر

بشكل الرسمه ككل وارتفاعاتها..







بعد ما تضبط العيون على كيفك ، يجي وقت رسم الإبتسامه

وبنفس الطريقة بالمره الأولى بس هالمره نعرض الإبتسامه شوي







نلونها باللون الأحمر الغامق وبعدها نختار لير جديد

وباستخادام الفرشة الدائرية نرسم دائرة كبيره لونها أحمر

وباستخدام الأداة هذي نلعب فيها عشان تعطينا شكل اللسان







راح يصير عندنا الشكل هذا في النهاية






ألحين نروح نضغط الليرز كلهم (Flatten Image) نفس ما سوينا بالإبتسامة الأولى

و نروح نسحب الإبتسامه الأولى وندخلها على الإبتسامه الثانيه

وتأكد أن تضع الإبتسامه الثانية فوق الأولى بالضبط حتى ما يبين أي شي

من الإبتسامه الأولى






جذي راح يكون عندنا ليرين بس ،، اللير الأول عبارة عن الإبتسامه الأولى

واللير الثاني عبارة عن الإبتسامه الثانية







ألحين من التأثيرات (fx) نحط لكل إبتسامه ظلال من تحت

نفس النسب التالية








جذي صرنا جاهزين عشان نحرك الصور مع بعض ،،

نرتب الليرز لأن الترتيب مهم لما نبي نحرك الصور

نحط لير الإبتسامه الأولى تحت ولير الإبتسامه الثانيه فوقه

ونتأكد أننا على لير الإبتسامه الأولى قبل لا نبدأ التحريك

يعني اضغط بالماوس على اللير الأول

.
.
.

بالنسبة اللي يستخدمون فوتوشوب 9

يلقون بشريط الأدوات تحت آخر شي

مربعين فيهم واحد ريشة زرقه وطالع سهم منه

لمربع عليه ريشه حمره ،، أعتذر لأن ماعندي صورة للفوتوشوب 9

بالضغط على هذا الخيار

راح يفتح برنامج الـ Image Ready وراح يلقون شغلهم موجود هناك

تحول من الفوتوشوب للإمج ردي

.
.
.


أما اللي يستخدمون فوتوشوب 10 من قائمة window

يختارون animation




ألحين لكل مستخدمي فوتوشوب 9 و 10


راح نلقى بشريط الـ Animation

شكل اللير الأول بس ،، في آخر شريط الـ animation فوق يمين

راح نلقى سهم صغير نضغط عليه ونختار Make Frames From Layers







جذي راح يطلع عندنا بشريط الـ Animation كل الليرات اللي عندنا






تحت كل صورة في عداد للوقت نضغط عليه ونختار القيمة اللي راح

تعرض فيها كل صورة ،، وتأكد أن تحرك الصور راح يبقى على طول

من الخيار اللي موجود أسفل يسار شريط التحريك واختاره (forever)







ألحين بالنسبة للي يستخدمون فوتوشوب 9

روح للأمر File واختار Save Optimize as

مهم أن تختار هذا الأمر لتحفظ الصورة متحركة

وراح تكون صيغة الصورة gif

.
.
.



أما اللي يستخدمون فوتوشوب 10

من قائمة File نختار Save for Web & Devices







راح تطلع لهم هذي القائمة






تأكد أن الخيار فوق يسار على الـ Optimize وبعدها اضغط Save

راح تحفظ الصورة بصيغة gif

.
.
.

وجذي نكون صنعنا ابتسامتنا بنفسنا

تقدر تبدع أكثر وتحط إيدين تتحرك ،، أو تخلي اللسان يطلع

أترك الباقي لخيالكم



وهذي النتيجة اللي قدرت أحطها بالمسنجر



أتمنى أن يكون الشرح واضح


تحياتي لكم


بحـــــــــة الشوووووووقـ






الله أكبر ،، الله أكبر ،، الله أكبر ،، لا إله إلا الله