منتديات الأماكن - عرض مشاركة واحدة - • |

23-01-2008, 01:42 PM

المشاركة 2

ROPY

عضو اشرق بعطاءه



تــأإأبــ ع

{ . .

القلب عافك من بعد ماترجاك
القلب ماوده ولا بيسمع طاريك

ارجع لناس صفقو في سواياك
في قلب ذنبه كان بالحيل هاويك
لما لفاك قلبي دخيل يترجاك
يقول مابي الناس والله أنا ابيك

لكن غرورك للأسف عنه آعماك
ورحت وتركته وأنت تسمعه يناديك
يصرخ يقول خلي أنا ارجاك وارجاك
حب بنيته لا تهدمه باياديك
دامك هدمت الحب ليه جاي وش جاك
توك صحيت أني أنا بصدق شاريك
وتبكي تظن قلبي يحن لبكاك
وتقول نادم سامح .. الله يخليك
نادم على كل شيء فعلته بيمناك
يومك تبعت اللي عن الحق معميك
ويومك تبعته مو مجبور برضاك
وخلاك تآطأ قلب بالدم يفديك
قلبٍ وطيته حالف أنه يتوطاك
ولا راح يشفعلك ولا زين ماضيك
دليتني درب القساوه من جفاك
وعلمتني كيف أهجرك من تغليك

وألحين تسأل كيف وشلون بنساك
أنت اللذي علمتني كيف أخليك

{ . .

سلــّم علـــــــــــي ،،
أرسل لي إنه ما نساني ويبغى يطمن علي ...!!!
يتحرى قلبي باقي له ما صدق إنه يرد للي ..!!
صعب الكلام
يوصف مدى الضيقة اللي بي ،،
يوم مر وفكر بس يسلم علي ..!!
[ مكانتك عندي ما يوصلـّه بشر ،،
يا طيبه يا اللي غلاتك ماتهتز مهما صار بالدنيا معي ،،
فديت راسك
حبيت أطيب خاطرك
لأنك عزيزة وغالية قالها لي ..!! ]
يبغى بكلامه يرجع وفي يرجع معـي ،، !!!
طلبي الوحيد منك
لا تزعلي ولا تتركي الدنيا وترحلي ،،
ظلي معي ،،
آخر كلامه قالها لي
لا ترحلي لا ترحلي ...
وقفت أطالع بالرسايل
وأضرب كفوفي مستغربـه من ناس كذا ..!!
يرحل ويقول لي لا ترحلي ...!!
يجرح ويطلب رجعتي ..!!
لا ويزيدها يبغى يتكلم معي ..!!
غريب أمره وحبه إللي يدعي ...!!
كم من أيام
وكم من شهور
وحدي بهالطريق تركنـي
ولا سأل عن قلب وفـي ،،
ضنيت إني ما أقوى بعدك ...ما أقوى هجرك ...
وبأبكي ما بقى بالدنيا لي..على حظ ٍ ردي ..!!
أتركني وأبعد ترى ما عاد لي قلب يبيك
ولا خاطر يتمنى شِعرك أو حتى يحتريك ...
شو يعني قلبك متعلق بحبي وبعدك تبي قربي ,,,
شو يعني لا ترحلي !!
أثبت وجودك بدنيتي بالأول بعدين أفكر ترجع لي ..
إن كان سلاحك عذب الكلام
فصدقني ما عاد يثيرني أبد
إلا تثبت كلامك وتفسر كل اللي مضى وخيانتك لي ..
وإلا ترى أنت ..
كلك على بعضك ترى ما تهمني
ولا عاد أبي أسمع سيرتك ولو مر طيفك في
خيالي لا تحسب إنه زود شوقي لك وإلا لهفتي ،،
هاذي جروحك كل ما أذكرها أكرهك أكثر وأكثر
لا تفرح بها دام الجرح
ما يهيج إحساس الحب بين البشر !!
وأعيد وأقول لك
ولا يهمني

. . }

ربحت ؟ يمكن لانه كل شيء جايز
ونفسك على الربح عادي لو تروضها
مبروك تستاهل التصفيق يالفايز
وخسارتك شخص مثلي من يعوضها ؟

{ . .

ليه أحبك وأحترق لك
لجل أضوي لك سماك
وليه أوصي لك نجومي
وليه أعيد التوصيه
دام أهلك ما وفولك
لآتٍظٌنَ بٌوْفٍيٌ مٌعٍاْكٌ
إنت مابك خير بأهلك ياقليل التربيه
حتى قلبك من قساتك
رآح ياجاهل نساك
يعني أنت في النهايه
ماترد التضحية

رد مع الإقتباس