الموضوع: ( _~ عذرا بنات الرياض~ _ )
عرض مشاركة واحدة
قديم 18-05-2006, 02:07 PM
المشاركة 9
الصورة الرمزية ... غ ...
... غ ...
عضو عطرنا بِــشذاه
  • غير متواجد
ايوة شمالي

انا بقلك الغلط انها سمتها بنات الرياض

لكن هاذا من استخدامها الذكي لصعود سلم الشهرة

معاك حق انه في روايات أحلى

لكن الرواية بالنسبة لكاتبة مبتدئة جميلة جدا جدا جدا

وفيها مميزات شديدة من بينها عدم تكرار اللفظ في كل الرواية


لدرجة انها اتقنت الشخصيات

وعلى فكرة من وجهة نظري الرواية هي رواية وليست قصة حقيقية

وانا متأكدة من هالشيء

ولو مو ردود الناس لايميلاتها ما كان قدرت تزبطها فالنهاية في اللف والدوران وهي استخدمت دا الاسلوب

عشان تشوف اغلاطها من البداية ودا اسلوب راااااااااائع

عموما في غيرها أفضل منها بس ما عرفوا كيف يظهروا نفسهم

وهيا لما سمتها بنات الرياض صح استخدمتهم

بس القصة كلها تتحدث عن أربع فتيات وبس


لا عن بنات الرياض

طيب بصراحة شمالي اشرايك في الرواية بما انك قريتها ؟؟؟

ولو الرواية مافيها شيء ماكان سمحموا بها في السعودية

بعد ما كانت ممنوعة

اتمنعت الرواية من قبل ما يقروها

اعتمدوا على اسلوب الكتاب مبين من عنوانه

لكن اخرتها رواية من ناحية البجاحة 0 في المية قدام روايات عبير

وهيا صح ما ترضى تكتب بنات الصانع

لكن هيا قالت بنات الرياض وبس

يعني خصصت وعممت في نفس الوقت

وبعدين لا نضحك على بعض

انا رحت الرياض كزا مرة والله الخراب مليان

مو معناها الحجاز كلها صالحين

بس عندكم في جرأة زايدة مررررررة

البنات اللي تعاكس الأولاد والله بعيني شايفتهم

لكن برضه فيكم الصالحات اللي ظفرها ما يبان الله يثبتها على دينها ويهديى غيرها


وبالنسبة لريم الطويرقي تقصد حقت الفيزيا ؟؟؟

طيب اش قصدك من انك تذكرها في دا الموضوع ؟؟


إذا أعجبك موضوع من مواضيعي فلا تقل شكـراً ... بل قل الآتـي ::
اللهم اغفر لها ولوالديها ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن..