إن بغيت أوصف حبيبي بالشعر أنسى الحروف
إن
بغيت أوصف حبيبي بالشعر أنسى الحروف
وإن
بغيت أنصف
حبيبي بالحكي ضاع الكلام
لو رسمته في خيالي لوحة ٍ صعب الوصوف
يعـجـز الـرسـام يكـمّـل لوحته فمليون عام
خلّي أكبر من قصيدة صغتها بأقسى الظروف
وخلّي أكبـر من وصـوف ٍ رسمها ودّ وهـيـام
العرب تحكي وتحكي فسيرة ٍ تغني السيوف
بسمته تكفي .. وتكفي نظرته تحمل سلام
طيفه اللي من عرفته مختلف بين الطيوف
ولالمحته هام فيني خافق ٍ عاش فـغـرام
أيه أحبه وليت قلبه لوتـكـرّم بس يشوف
كيف حبه صار فيني والغلا أصبح وسام
وليت قلبه في غيابي يقتنع مرّة ويروف
دام خلّه عاف غيره وشال حبه بإهتمام
لانثرت سطور شعري صابني رهبه وخوف
خوف قلبي لو يقصر والصراحة مايلام
هذا حبر العاشق يكتب سيرة ٍ تنقش حروف
في صدر من هو أحبه ولابعد يكفي الكلام !!
اتمنى ان نالت اعجابكم
Yk fydj H,wt pfdfd fhgauv Hksn hgpv,t