من اعمالي اليدويه>>خاصه للاماكن
السلام عليكم ورحمة الله وبركاته
..اليوم راح أقدم لكم عمل يدوي من صنع إيدي
تعرفون عاد إجازة الصيف بدت ..وطبعاً لا تخلو من الملل ..فأمس كنت ملااااااااااانة وااايد وما عندي شي أسويه ..
فقلت خل أشغل وقتي بالأشغال اليدوية ..وأنمي مواهبي بنفس الوقت ..
فيبت بوكس الأشغال اليدوية .. وفرشت أغراضي .. ويت في بالي فكرة ..
وعلى طول وسرت المطبخ و طلعت 3 بيضات وفرغتها ..
وحق هالعمل اليدوي نحتاج :
1- الغرا
2- 3 بيضات مفرغة
3- أقلام فلمستر
4- العيون التركيب نفس اللي في الصورة
5- مقبض شعر
(1)
أول شي تفرشون جدامكم كل اللي تحتاجونه:
(2)
لونيها على حسب اللي انتي اللي تبينه
وبما إني أحب الخنافس قلت لازم الونها على لون خنفوسة
(3) والحين ندهن البيضة بغرا عسب ما تنكسر البيضة بسرعة ويطلع لها لمعة اكثر ..
وخلوها لين ما تجف وهذا على حسب الغر ا اللي تستعملونه ..بس ما بياخذ منكم وااايد وقت بس ربع ساعة أو شوي أقل أو أكثر
(5)ونركب لها المقبض الشعر على أساس أنه قرون الاستشعار
ويعدين وآخر خطوة
(6)
أحطها في ركن الخنافس اللي عندي
lk hulhgd hgd],di>>ohwi gghlh;k