قصة خويلد القروي ( بقلم شاعرتكم)
مساء الخمبدزه
شاعرتكم تعرفوون عندها مووهبة الشعر والحين طلعت لي موووهبه جديده هي مووهبة كتابة القصص القصيره ((قولو مشا الله بس ههههههههه)
لي يومين كاتبتها وابي انزلها هنيه بس النت الله ياخذه متعطل وتووي انزلها اليوووم خاست طقت ريحتها 
من النطره ((الانتظار))
ذيك الحين وذيك الحين نطت الفاره على الطحين >>>مقدمة جدتي مزنه بنت حويرش ((مدري اسم جدتي والا اسم جدة غشمشم)) 
خالد والرياض:
الموهم كان في ولد اسمه ((خالد)) خالد ولد قروووي ويحاوول يتطووور ((بس ماعنده ماعند جدتي)) المووهيم جا من القريه الى المدينه اللي هي مدينة الرياض والا يتمشى بشوواع العليا ويشووف المملكه وويوووقف ساعه يتأمل الفيصله يقول في نفسه 
((سبحان الله وش جاب الاهرامات المصريه للرياض)) >>>غبي
خالد وحمام خواله:
المووهيم اول ماووصل لبيت خواله الا يدش الحمام والشامبو اول مره يشوووفه شامبو صانصليك بلبيض ويدق على عيال قريته ((يقووول ابشركم ابشركم ياعيال 
هينا حتى الشكشووكه بقوواطي))>>>الرجال قرا كلمة بيض ويحسبها شكشوووكه.
خالد والمستووصف:
زكم مره من المرات خالد ويرووح المستوصف الا يقووولوون ادفع رسوووم الملف 30 ريال ((قال اكد على عميان انا!!) في القريه ماندفع ولاقررش 
والله غشاشين انتوو غشاشين
المووهيم جالس يخمدز عليهم ويصارخ ياظلام 30 ريال تجيبلي خبزة تميس لمدة شهر والا تجيبلي صحن تسبده لمدة اسبووعين>>>>همه بطن
بعد مادفع والبووووز شبرين دش على الطبيب...
يسأله الطبيب طوولك كااااااااااااااام!! (كام= كم بلمصري)
خالد: الحين خشمي يعوورني وتسأألني عن طولي!!
الطبيب: هو انتا يابني مالك هوه طووولك كاااااااااام؟؟ (كام والا مايك هههههههه) 
خويلد: طولي نفس طول السرير اللي في بيت خالي نويصر
الطبيب: هو انتا بتستعبط والا بتهزر والا ايه!!
خويلد: ايه >>>يحسب كلمة ايه اجابه ههههههههه
الا الطبيب يمحطه بسماعة ويشووووته تشووووووووتشووووووو>>صووت عطسه حشى مو صوووت شوووته
ويطلع خووويلد راسه ملفووووف بعصبه بدل مايداوووي زكمته داوى فلقته 
ورجع خالد الى بيت خواله مفلوووق الراااس
STOOOOOOOOOOOOOOOOP
ووقفت لهنا اذا القصه عجبتكم خبروني عشان اكمممل شنو سوى خالد بييت خاله
واذا ماعجبتكم قولولي ترى عادي اتقبل ووجهة نظركم
ملاحظه : القصه مبنيه على الضحك والفكاهه والخيال وزمنا مافيه احد قروووي
الناس كلها تطوورت وتمدنت الغرض منها الترفيه لاقل ولااكثر
تقبلو تحياتي 
طفلتكم المدللهـــ: شاعره بلا مشاعر
rwm o,dg] hgrv,d ( frgl ahuvj;l)
في ظل الانتحالات الادبيهـ..وموضهـ الاتهامات..وموجهـ السرقات..
أريد ان ادلي ببراهيني وادلتي..
ان جميع ماكتبت من خواطر ومقالات ادبيهـ,,
كان من نزف حبري وان تكرر في منتدى اخر..
فاعلم ان شاعره بلا مشاعر اكبر وارقى من سرقة حروف الاخرين..
انهم هم من سلبوا من حروفي..
ولايزال نفس حروفي معروف لمن لديهـ عين بصيره..
شقاوه وحرمان وبراءه وقسوه وكبرياء وشموخ..
هذه هي انفاس حروفي تتكرر في كل سطوري..
والله على مااقول شهيد..لكل من نقل حرف من حروفي لن ابيحك ماحيت فانت سرقت نبضي..
حروفي للتــنبيهـ لمن يفكر ان يمد اصبع الاتهام الي في يوم..
ولمن يمد يد السرقهـ لحروفي...
شاعره بلا مشاعر..