الموضوع: //عضوة والمطبخ ولقاء..
عرض مشاركة واحدة
قديم 23-06-2008, 06:59 PM
المشاركة 11
الصورة الرمزية {خَجوُلة آلمَبسْمِ ~
{خَجوُلة آلمَبسْمِ ~
عضو يفوق الوصف
  • غير متواجد
باااااااااااااااااااااااك

عرفينا عن نفسك وخاصة في الطبخ ؟

بكل تواضع طبااااخه من الدرجه الأولى

{تحبين الطبخ أو لا ؟

افا عليك الا اموووووت فيه

{وجبتك المفضله ؟

اممممممم كثير خخخخ وش اكتب وش اخلي

ورق العنب ،،، لازانيا ,,, الباشمل ,,, حلى الأوريو ,,, كفتة البطاطس ,,, الرز الصيني

{طبق تحبين تسوينه كثير؟

ورق العنب

{أذكري الطبخات الي تعمليهم ؟

كثيررر ياقلبي لوبعدهم مابخلص

{أول مرة دخلت المطبخ كم كان عمرك لو تذكرين ؟ وشو كانت هي الطبخة ؟

كنت في اولى متوسط وكانت جدتي ربي يحفظها رايحه للمستشفى عندها موعد

الصباح وجت12 الظهر مارجعت ومافي في البيت الا انا والخدامه وكانت حبشيه خخخخخ

جتكم اسوره وشمرت عن ساعديها وبدت تعصرمخها وتتذكر كيف جدتها تسوي الرز

طبعآ مع توجيهات الحبشيه خخخخ وسويته طلع يعني مخبوص بس طعمه شي

خخخخ ويوم رجعت جدتي ماصدقت اني انا مسويه الغدا خخخخ حتى خالي عيا يتغدا

على باله الحبشيه هي الي مسويته راح وشرى غدا بس لوتشوفوني ذاك اليوم محد قدي


{طبخه طبختيها وفشلتِ في عملها (أسم الطبخة) ؟ وش كان شعوركِ وقتها ؟ ويش كانت ردة فعل الأهل عندما رأوا الطبخة ؟ وإذا فيه صورة لها ضعيها

حلى بس والله ناسيه اسمه خخخخ شعوري ياطويلة العمر اني انقهررررت مدهره وحالتي حاله وخرب وخايفه من شماتة العذال خخخخخخ ...اما اهلي استلمني خالي ضحك وطنازه وجدتي ربي يحفظها رفعت من معنوياتي واكلت منه ومدحته بعد خخخخخ وصبرتني تهىء تهىء والصوره والله ماعندي ياقلبي

{طبخه طبختيها نجحت والكل مدحكِ (أسمها/وإذا كنتِ مصورتنها ضعيها) ؟

اممممممممممم لما كنت في ثاني متوسط سويت كفتة دجاج والكل داااخ عندها والصوره بعد ماصورتها

موقف طريف صار معاك في المطبخ ؟

هههههههههههه ياكثرالمواقف وش اقول وش اخلي
مرتن من المرارير وفي حزتن من الحزاحيز اسوره جتها القرامه ودقت على اهل رجلها وقالت لهم لاتسون غدا انا بسوي وارسل لكم المهم شمرت عن ساعدي وبديت تدهر دق جوالي جلست اكلم وانا اطبخ

ههههههههههه ونسيت الدنيا وبدال لا احط ملح في الغدا لطيت ابوه سكر اكتشفت هالشي في النهايه والنتيجه اني طاح وجهي وشرينا غدا لنا ولأهل ماي هزبند

في نظرك أنتي ,, هل يعتمد عليكِ في الطبخ او لا ؟

اكيد

قولي لنا وصفه لطبخه حلوه تسوينها واجد عشان نجربها ؟

اممممممممم بعطيكم وصفة الرز الصيني <<<دبلتي تسبودهم فيه

المقادير:


3 كاسات ارز ابيض مسلوق
كأس من الروبيان المقشر و المسلوق
حبة من الفلفل الرومي مقطعه الي شرائح
حبة جزر مقطعه الي شرائح كأعواد الكبريت
3 حبات بصل الاخضر مقطع دوائر
ملعقتين من صلصة الصويا
ملعقه كبيره من الزيت النباتي
ملعقه صغيره ملح
قطعه بحجم الجوزه من الزنجبيل الاخضر مهروسه مع حبتين من الثوم

الطريقه

- ضعي الزيت في مقلاه كبيره الي ان يسخن قليلا .
- اضيفي الثوم و الزنجبيل مع التحريك السريع .
- اضيفي الجزر ثم الفلفل الرومي و البصل الاخضر .
- ضعي صلصة الصويا و الملح و حركي الخليط .
- اضيفي الارز الابيض و حركيه لمدة دقيقتين حتى يسخن ثم قدميه في الحال

سوي طبخه وصوريها لنا؟ {ورينا شطارتك} ..


من عيوني يالغالين بس لين ربي يعافيني ان شاء الله ادش المطبخ واسوي لكم طبختين موطبخه وحده


{نصحية توجهينها لفنانات في الطبخ ؟؟

<<<<اوب مستوعبه شكلها تنصح

وش اسمه اقول زي منوله وريوحه وريومه

الطبخ فن يبي له صبر وطول نفس اوب من تجربتين تقولين انا فاشله

وبعدين ياحبيباتي تداكروا انفسكم وتعلموا بدري ولا صدقوني بتندمون

والله يوفقككم وتصيرون ربات بيوت مافي مثلكم


منوله فديت خشتك شووووكرآ لأنك وهقتيني

واختار الدووووبا متمكنه من غلاها

يارب .. أؤمن كثيراً بأن المسَاحه الفاصله بين السّمآء والأرض و بين الحُلم و الواقِع , مُجرد دعـَاء