تدري من زمــان انا عايف خطاك=كنت اذاري وهقوتي نفسي تبيــك
وصار مسعايا ابهالدنيا رضــــاك=وان قفيت الــــروح تنده لك تبـيك
كنت احسبك في سما عشقي ملاك=وكنت اعيف الكل بس أنـــت أجيك
تالي تخدعني وتجرّحني بجفاك=بعد كل ذا ماتبــي أزعل عليك
لاتصور صرت انا خــادم هــــواك=تحتري جرحي وتفكــرني بجيك
بترك العالم عشانك ... ما ابــاك= وابعد الخطوات عن قربي اليك
زاد في ظلمك شكوكك مع خطاك=لاتفكـــــرني انـــا ميتـــــــة عليـــك
مبي وجهك روح واعطيني قفاك=ولاتِحسب الناس خـــدام(ن) إليك
ايه انا انطسيت يوم قلت اباك= روح بس منــــــاك ما بـــشره عليك
وشعلي من قول قايلها سواك=والله ماهمنــــي هريـــجٍ معتليك
خلك اف حقدك وجورك ويـ.. عمــاك=لو تجيب الكون كلــــــه مـا ابيـك
عزّ على نفســــي ابيوم(ن) صرت ابـــاك=ليت مني الروح راحت .. لاولا فكرت أجيك

الموضوع الأصلي: اوراق الغيــــــــاب || الكاتب: انوو || المصدر: منتديات الأماكن

المصدر: منتديات الأماكن