احم بسم الله الرحمن الرحيم

نبدأ

أولا : مادري اش فايدة صورة البنت في الكلام اللي انت كاتبه

تانيا: الصورة اللي ورى البنت مالها اي علاقة لا بالبنت ولا بالكلام

تالتا: على كلامك بالقليل لازم تكون الخلفية فيها يادمعة ياقمر يا ليل ياجرح يا نجم ومادري اذا ما خاب نظري

فأنا مني شايفة ليل دا نهار وشمس ونخيل وبنت فرحانة تبتسم

رابعا: الألوان ابدا مافيها أي تناسق

خامسا: كلامك وتوقيعك في الصورة ماكإنك مصممها كإنه واحد شاف الصورة وعجبته قام أخدها وحط بيت يحبه عليها وكتب اسمه عشان يخليها توقيع له فالمنتدى أو فالإيميل أو فأي حاجة يعني ما اتفننت في كتابة الكلام والتوقيع

وفي المقابل :

الدمج كان جميل ومنسق وخصوصا بالنسبة لأول تصميم يعني عرفت ما شاء الله كيف تدمج

وسامحني لو أنا طولت ومصختها بس والله ما حينفعك لو اجيك واقلك حلو واجاملك

لانه ما ينفع أجاملك في حاجات زي كدا وخاصة لما تكون هواية عندك

وانت كنت تبغى رأينا الحقيقي

عشان ان شاء الله تكمل تصاميم وانت عارف اش اغلاطك واش ميزاتك

فتبدع في اللي تعرفه وتدقق في أغلاطك

وأتمنى قريب ألقى لك تصميم جديد منسق

وما ألقى فيه عيب أو شيء انتقده عليك

وصدقني انا ما قلت دا الكلام والله غير لمصلحتك

ولو ضايقك وزعلك سامحني وأنا آسفة