ريم الوليد
الله اكبر عاد ياريم الوليد=مالك ومال الفلسفه والجدالي
إن رحت ولا جيت ياسيد العبيد=تبقى على هاك العبيد إرتجالي
أما علي بتسيد مسمح لك تسيد=أبعد عليك إمن السما ياحلالي
وإن كانها بالحب يالقلب البليد=حبك بقلبي مرتكز بالعلالي
بس إنت رغم الحلف ماتقبل شهيد=همك تكذبني وتقصر حبالي
إقسم برب الخلق والبيت العتيد=ماهمني غير إنت ياراس مالي
حلفت لك واعلنت بحروف القصيد=ومع كل هذا مندلخ ماتبالي
وش يقنعك بالله ياهاوي الجديد؟؟؟=قلي وانا بعطيك لو هو عقالي
طولتها بالحيل والمرسى بعيد=وبدت تميل الباخره للزوالي
تعبت أداري ثورة الحب وتزيد=الدم فار وضاق صدر الشمالي
إسمع عسى هالبيت يقنعك ويفيد=يمكن تحس بلوعتي وإنشغالي
[[[والله لو إن الدم ينساه الوريد=منساك لكن منك ياهملالي]]]
وإن كانها بالحب يالفجر البعيد=بسباب حبك ملت يم الهبالي
وسلامتكم,,,,,
أخوكم بدر الشمري
vdl hg,gd]
التعديل الأخير تم بواسطة بدر عليان ; 19-11-2008 الساعة 03:48 AM