مع كل التحيه والتقدير لأخواني وأخواتي اعضاء وزوار هذا الصرح الشامخ ..
حبيت اقدم لكم هذه الابيات المتواضعه على امل ان تلقى جزء من استحسانكم ..
اخوكم : منادي القاسمي "
.
.
للحفظ
 |
|
 |
|
يامل قلبٍ عاش لحظات مغبون
وقامت هواجيسه تهز العباتي
سوده مثل بيتٍ من الجن مسكون
ابليس هاجدهم بوقت الصلاتي
قامو مع المذن على الخلق يطرون
دبك الكلام اللي صحى من سباتي
لو كنت ناوي بيع والناس يشرون
ماكنت حطيتك اساس لحياتي
ولو قلت ماحبك وانا فيك مجنون
اكذب على نفسي لموعد وفاتي
صحيح مامثلك مع الناس مزيون
وصحيح اكبر من مدار امنياتي
لآكن ماهزك من الطاري شجون
ابدآ ولافكرت تذكر صفاتي
ولآهنت عندي ياهوى البال وشلون ؟
اهون في عينك وتمحي غلاتي
يعني عشان تمون تهديني طعون
اسكت وخل الجرح يحكي سكاتي
الضيق لو طوّل على صدر مسجون
ماعاش حلم الليل صبحه بياتي
ولو كل من غابو عن القلب يطرون
ماكنت صارحتك بأجمل صفاتي
عزيز نفس ولو شكى الكل يبكون
والمشتكى للي عليمٍ بذاتي
تركتني انزف من الجرح مطعون
وانا طويتك حب في ذكرياتي
ياللي تحسبني من الصد مغبون
أبشرك انا سعيد بحياتي
هذي الحكايه وابتدت منك هلّون
وباقي الحكايه انتهت مع صلاتي
يالله سامح من بأسمك يناجون
سبحانك اعلم باللذي خافياتي
رحماك من نارٍ عليها يجرون
يالله ماغيرك يحقق نجاتي
وسلامتكم |
|
 |
|
 |