قصتنا وحنا نتسلق الجبل ,,
مرحبن بكم
اليوم إن شاء الله بأحكيلكم عن سويليفتن قديمتن صارت لي أنا وولد خالي
ملاحظة: سبق وأن حكيتها في موضوع الأخ "tًôķَé" لكن حبيت أضيف إليها بعض البهارات وأسدحها على شكل موضوعن في الـ ذيس توبيك
المهم ,,
قبل حوالي أربع أو خمس سنوات أو يمكن ست ( ست وإلا راقل )
لأني ما أذكر بالتحديد قبل كم سنة
يوم إني طالعن الديرة أصيّف ( في تهامة ) <<< ههههه أما السمايل هذي برااا
قابلت صديقي الروح بالروح ولد خالي وأخوي الذي لم تلده أمي
كنا ما نفترق أبد
وفي يومن من الأيام
قعدنا نسترجع الذكريات يوم إنّا ساكنين بالديرة
وأعمارنا ما تتجاوز 7 سنوات
ما كنا نعرف لا Hi ولا My ولا myhition ( لاحد يدقق ولاحد يجرب يترجم ) ,,
وإذا سألونا وش الكمبيوتر؟؟
نقولهم كمبوتر ( لاحظوا كمبوتر ) العايلة اللي فيه ماريو <<< يبغى يوصلكم إن احنا كنا متطورين شوي ,,
المهم بعد ما خلصنا استرجاع الذكريات ,,
قررنا نتسلى شوي ,, بس كيييييف ؟؟
قعدنا نفكر
لحيظات واشتعلت برأسي فكرتن جامدة ( جامدة وإلا غازية خخخ )
قلتله عن الفكرة ووافقني الرأي <<< وشسمه على غفله ,,
تجهزنا وأخذنا عدتنا الكثيرة المكونة من جك ( غرشة ) + مليان موية
وأخذت الأمواج العاتية التي كانت في شدة البؤس والكآبة والتمرد والهيجان والثوران والطقعة تعصف بنا ناحية الجبل ( <<< لا تحمّس وهو يكتب وخروا عنّه )
وهذي هي فكرتنا إنا نتسلق الجبل
الساعة كانت تشير إلى الخامسة عصرن ( عصرن ولا طحنن هاهاهاها <<< شت أب )
على أساس إن ديرتنا في " وادي " فـ الجبال متوفرة بكثرة لدينا ,,
المهم أخذنا حوالي نص ساعة وحنا نمشي للجبل ,,
وصلنا الشُعب ( = أسفل الجبل ) وبدينا نطلع شوي ( شوي وإلا قليلا هاهاها <<< تعرف تسكت وإلا اسكتك هاهاها )
وصعدنا السلالم الكهربائية <<< ايه هين ,,
طلعنا يمكن حوالي خمسين متر ,,
وكانت العوائق في كل مكان ,,
زي قفز العجايز قصدي الحواجز ,, كل شوي عائق يقف في سبيلك <<< يمديكم علـ فصحى
وحنا ماشين في غمرة سعادتنا وسواليفنا ,,
إلا شوي نسمع صوت ,,
وينزل قلبي وكان بيوصل للكراع لولا إن الأعصاب الشوكيه قالتله هد أعصابك يا قلبي
ومنعه الحوض من النزول إلى أسفل ومسكه مع بطيناته وربط الشريانات والوريدات وعطاه ركبه
ورجع قلبي وهو ينعت حظّه السيّئ ,, وأنا أقوله ,, لا ما قلتله شيء
وما أدري عن صاحبي وين وصل قلبه ( قلبه وإلا كبده مواهيهيهي )
المهم اتفقت قلوبنا في خلال جزيئات من الثانية أن نعود أدراجنا ( طبعاً تواصلوا عبر أشعة إكس ) ,,
وطبعن تعرفون إن الواحد إذا خاف يقوم الجسم بإفراز الأدرينالين
( ما بيعطيك جوانح لكن بيعطيك طاقة تفكر نفسك صرت بيق شو على غفله )
والطاقة هذي خلتنا ننزل خلال ثواني ,,
ونزلنا هذي المرّة بالليفت لأنه أسرع من السلالم الكهربائية
يوم وصلنا تحت ابتعدنا عن الجبل شوي وكل واحد يطمن الثاني ,,
راحت الرجفة ونطالع في الجبل ونبحلق كويس
تدرون وش شفنا؟؟
قرود
وأنا على بالي اللي خوفنا فــيــل طلع قرد ,,
المهم بطلنا نصعد الجبل مرتن أخرى ( أخرى وإلا مُخرى هاهاها <<< تبي كف وإلا بوقس مواهاهاها )
وانطفت الفكرة اللي كانت مشتعلة وصارت غازية
ورجعنا الهوم <<< أحسن تطورنا صرنا نقول هوم
وبهذا انتهت قصتنا أعزائي الزاحفين ,,
الهاوي
( اسكت لا هنت 5 ثواني وبعدها قول )
الأماكن
( اسكت لا هنت 5 ثواني مرتن أخرى وبعدها قول )
من وسط سوق الخضار في دميجتي <<< هذا والكلام اللي فوق على باله مُراسل مسوي تقرير مرئي زي حق الأخبار العربية والجزيرة
ترون السالفة حقيقية وصارت بس حبيت أضيف نكهة .... وشسمه ,, هذي اللي تخليكم تضحكون ,, ايه هي ما غيرها
تشااااااااااااااااااااااااااااااااااو ـز
rwjkh ,pkh kjsgr hg[fg <<