عُــــــرس الأوجـــــــآع
وش اخباري ؟!!!!
أنا ماعدت أميز شي !
غير إني ..
بحترق في بعدك بناري
في ذاك الركن وحدي .. و أنت لاهي !
وأنا أشوفك سكرة ذابت .. قبل ماتوصل شفاهي
/
/
على الطاري ..
تحبـــك كثر ما أحبـــك ؟!!
تنسج لك خيوط الشوق , وتلبسها ثياب دموع في بعدك ؟!
تستاهل تقارنها بلهفة قلبي لقربك !
:
قلت لك لو كان لك نية رحيل
لا تمنّـي القلب فيك و تذبحه !
وش يفيدك لا ذكروا قلبي قتيل !
شوف نزفه كيف غطا مسرحه
كل دمعة ضيم من عيني تسيل
دم .. خدي لك يصور مشرحه
:
:
آآهـ ياقسوة ظروفي .. وضعف الحال
آآهـ ...
يا حسرة الدنيا وضيق البال
آآهـ
ياسكة الحرمان ..
تعال ..
ابكتبك قصة وجع ودمع همال ..
/
/
اييييه بتاخذك مني !
و أنا استرجع الماضي ..
وشلون تهملني ؟!!
من هو بيناديني .. قلبي ..
( يا غلا كل الأنام )
من يترجمني بـ حروفه
لا أنتهى عندي الكلام
من ينومني بصوته
الحلو لازم ينام
ولو عجزت انام غنى:
( يلاّ تنام يلاّ تنام / وادبحلا طير الحمام )
خلاص ..
خلاص ..
خلاص ..
ماعدت أنا ذاك الحلو !
ما عاد تفرق لو ينام
ولا عاد تفرق لو سهر
أو عاش أيامه بـ قهر
/
/
ياليت ماحبيت
وأسرفت في حبك
وأدمنت صوتك .. اذا غنيت
قلي بربك ..
وين ابتعد !
وين الطريق اللي يوديني لـ فراق
وين الدروب اللي تنسيني العناق !
علمني قول :
وشلون اعيش بدون..مااشوفك !
وشلون انساها ..طيوفك
علمني قول :
هو باقي من عمري .. عمر !
من غير ما شوفك يمر !!
علمني قول هو كم بقى
بعيش من دونك .. شقا !
/
/
فصلت لي فستان حزن ولبسته
ظنك يليق بعرس الأوجاع ثوبي !
وخضبت كفي بالدموع ونقشته
تذكار [ ليلة حلم ] مات بذنوبي !
بنيت بيتك في خفوقي وسكنته
جيت اسكنه معك لكن غدوبي !
تشوف همي يوم عنك سترته
بانت دلايل حسرتي مع عيوبي
حَب السنين اللي بيدي بذرته
هبت عليه آسموم واعلن هروبي
مديت كفك بالوداع ونهرته
وأقول : تكفى لا تعجل غروبي
هتان خيبة حلمي بك كم هطلته
ولا قلت يكفي لدمع قال: دوبي !
حتى فتيل الشمع ياللي شعلته
آخر دموع البارحه لك سروا بي
:
:
ابفقــــدك ..
ولأني أحبك ببعدك
وألبّس جروحي [ كفن ]
وأودعك
و أرسم لك آوجاعي [ وطن ]
و أفرح معك
وبطفي بدمعتي ناري
.. الله معك ..
أنا بخير .. هذي كل أخباري ..
uEJJJJJJvs hgH,[JJJJJJJNu
