2-يا حياتي سيرتك تربك هدوّي !!
السلام عليكم ورحمة الله .. وبركاته !!
طبعا ُ كل ما يخطـّـه كيبوردي من ابيات .. هي من بنات عفيفات من بنات افكاري .. !!
ولا اكتب المنقول .. !!
انا اشرت فوق لانه اول قصيده لي نقلت لقسم ذائقه عذبه .. وعذبتني 
والله لي !! :d
الوكاد اليــكم .. !!
المكـان : ملاحظات الجوال -=> مستلقي على ظهري بالمقلط <<
الزمــان : شهرين قبل الان ..
المناسبة :
ماقلتها من منطلق يووه شاعر !!
ولا قلتها من باب شفني واشوفك !!
شي ٍ يحرك بالصخور المشاعر
وآخر وهب متني لشذرة سيوفك
الحالة النفسية : +--+
ياغناتـيٍ سيرتك تربك هدوّي
========= مثلما يربك دجا الليل النهار
امتحنتيني وانا باوّلْكـ توّي !!
========= واستفزيتي عروق ٍ ماتثار
ياجميلة علّميني ويش اسوّي ؟؟
======== لا غدت عيني امن الاخرى تغار ؟؟
ان لمحتس باليمين وزان جوّي
======== ابتلشت بغيرة العين اليســار ..
والخفوق اللي بنبضاته يدوّي
======== ان دنيتي دندن الخافق وثار !!
تلمسين ايدين سالمْك المهوّي
======== وارتعش والدم خالف بالمسار
أًضْحِكي قلب ٍ من الهم امتلوّي
======== واحضني جسم ٍ بصدريْك استجار
قبليني يشتعل بشفاتس ضوّي
======== واحتويني احتويني باختصار
افعلي ماتستبيحينه وسوّي
======== في خفوق ٍ دم عرقه فيك دار
كنت اداوي جرحي المشتمّ توّي
======== وابتدا بحر المشاعر بانحسار
منكسر وارقب مع النجمات نوّي
======== استشَبّ الجوع والقوت انتظار
والتقيتك شامخه تخجل دنوّي
======== تجبرين الكسر وايّـا الانكسار
اعتنقت الحب من باديه لـوّي
======== كـافر ٍ بالدبلتين وبالسّـوار !!
اهتويتك أرض .. والميعاد جوّي !!!
======== باركـ الله طايرتنا والمطار ..
وسلامتكم ..
2-dh pdhjd sdvj; jvf; i],~d !!
اخي العزيز / اختي العزيزة .. الرجاء وضع توقيع واحد فقط وبحجم مناسب !! كما نرجوا منكم عدم وضع توقيع صوتي يظهر تلقائي اثناء فتح الصحفه .