اونست في قلبي سـوات اللواهيـب=وهمن يباري القلـب كنـه ظلالـه
وابليس ماتطفي ومعه المشاهيـب=ونـاسً معـه لاتحسبونـه لحالـه
ما ساقها في درب فعل المواجيـب=تسوقـه البدعـه لبحـر الظلالـه
لا تحسب انك جبت حرش العراقيب=غازي ومكسبك الردى وانـت فالـه
عـزالله انـه مالحقنـي عذاريـب=من طيب ابوي وطيب جده وخالـه
معرباً بالطيب من ذيب فـي ذيـب=مـادوّر العـدوان فيـنـا حثـالـه
يابوي ياللـي كاملـن بالمواجيـب=حنـا بذكـرك كاسبيـن الجمـالـه
لك الفخـر لا ناسبـوك المعازيـب=ويفخر بنـا شيخ ٍ نعنّـز عيالـه
يارد على هدّاج صافـي المشاريـب=واليا ورد لـه عـد طـوّل حبالـه
وبنت الردي يشرب هماج ودغاليب=ويلبس عباة اخته وتلبـس عقالـه
بين النساء يـودّي العلـم ويجيـب=ماكنـّه الاّ هـنـدي ن بالكفـالـه
حتيش لو تشوف في لحيته شيـب=ياعزتـي للـي ولـدهـا غـدالـه
المدخنه يجمع دهن عودهـا طيـب=والحاويـة ماتجمـع الا الزبـالـه
لو النصيحه تنفع الخبـل ويريـب=صار الخبل عاقل وصرنـا جهالـه
خذنا الفوايد من كثـار التجاريـب=والخبـل جرّبهـا وزادت هبـالـه
وش قال الاول والمثل حافظه غيب=يامن شرالـه علتـن مـن حلالـه
اكفخ ولي نظره وانا شفّي صعيـب=ودرب المراجل مايجـي بالسهالـه
المرجله في راس عالـي المراقيـب=والحر عينه فـوق واشبـه خيالـه
وعين الردي والبوم بين المناسيـب=نظـرت عيونـه ماتعـدى ظلالـه
متساوين قدّامـه العيـب والطيـب=النقـص فالرجّـال قبـل البيـالـه

الموضوع الأصلي: هما يباري القلب كنه طلاله || الكاتب: مغروره بس محبوبه || المصدر: منتديات الأماكن

المصدر: منتديات الأماكن