السلام عليكم ورحمة الله وبركاته
مساء الخير / صباح الخير ..
أعتذر عن تقصيري خلال الفترهـ الماضيهـ
ولكن جيت وجبت معي هالبويتات عساه تجملني معكم ..
أحيان أحس إني سراجن وتَنْقِلْهْ=بالليل وليا اصبحت ماعاد لي فود
طالع ظروفي وإنجرافي تأمّلْهْ=هل هو يليق الدمع بعيوني السّود
لو شلت كبر طويق همّن تحمّلْهْ؟؟=أكيد ماتقدر طبيعي ومشهود
لو جِيب لك علقم وبصحون تاكِلْهْ؟؟=معلوم لو تاكلْهْ تراك محسود
مر المذاق أهون من المر بالوَلْهْ=على الأقل لحظات ماهو بمعدود
مار البلا بالزّين لامد أناملْهْ=غطى عسل والجوف سمّن وملحود
يضحك تحسب الضحك قلبك يدلّلْهْ=[[..ضحك البراءه مات ماجاب مولود]]
تمشي معه وإن غاب منته بسائِلْهْ=تجلس تحرّى جيَته وإنت ملهود
ياصاحبي والصد ليتك تعَلّلْهْ=صدّن بليّا أسباب خِزْيِن ومنقود
ماجاك منّي غير منته تأمّلْهْ=أسهرتني والطّيب بالسّوء مردود
مرساك وينه يالبحر علّي أوصَلْهْ؟؟=سفينتي ظاعت وأنا طحت مفقود
قلّي وانا سبّاح شاطيك أروح إلْهْ=موجك على النّكبات يقودني قود
وسلامتكم..
بــــــــدر