الموضوع: هل يحترم الشاب الفتاة التي تلبس العباءة المخصرة !!!!
عرض مشاركة واحدة
قديم 15-07-2011, 09:58 PM
المشاركة 16
الصورة الرمزية أتقهوى عذابك

 

  • غير متواجد
رد: هل يحترم الشاب الفتاة التي تلبس العباءة المخصرة !!!!
بالنسبه لي

ما يحتاج
ما اتوقع فيه احد تعجبه المناظر هذي ولا يوافق عليها

بس انا ما الوم البنت

العتب على اهلها
يالغالية وش تتوقعين من بنت لاراحت تشتري عباة عادية
تصايح عليها امها وتقول انتي غبية مثل فلانه تبغين تفشلينا يا متخلفه
>>> منظر صاير قدام عيني في محل عبايات كنت انا والوالدة الله يطول بعمره على طاعته ويخليها لي

وش تتوقعين من بنت امها وابوها ما يدرون عنها
حتى ما يجلسون ويضحكون معها شوي يحسسونها انها لها قيمة عندهم

وش تتوقعين من بنت خوانها مخلينها ملطشه على الرايحه والجايه ولا يعطونها وجه حتى سلام ما يسلمون


ياطويلة العمر
البنت لو لقت احد في البيت يسال عنها ويجلس معها ويشوف وش حاجاتها
ويضحك معها اذا شافها زعلانه جاء عندها يا وخيتي سلامات اليومين ذي فاقدين ضحكك في البيت عسى ما فيك شي
طيب خاطرها بكم كلمه خلها تحس ان فيه احد يهتم فيها

ما نتركها لزمن يعلمها وبعدين نجي نسبها و نلعنها



اتحدى اذا شفنا من النوعيات هذي في الاسواق والاماكن العامه
والله ان ينقرضون


اساس المشكلة ماهو من البنت
من المجتمع اللي حولها هو مشكلتها




وهذي وجهة نظري في الموضوع

الله يستر على بنات المسلمين ويكفيهم الشر

تحياتي وتقديري لك