السلام عليكم ورحمة الله وبركاته
أول شي قبل كل شئ حبيت انوهـ لشغله اللي
اهى كتابتي بالعامية أنا اعتذر لأني قاع اكتب لكم بالعامية
مو بالفصحه بصراحة لأني أجد صعوبة بهالشى وبعدين أحس
العامية توصل صوتي أكثر يعني اعرف شلون اشرح لكم < اخووص يالمدرسه لوول
وثاني شي اعذروني لو أخطأت بشي لأني أنا إنسان ومو معصوم عن الخطأ
ويمكن تجاربك وخبراتكم أكثر وأحسن مني بوايد ،،
فا أتمنى أني اسمع نصائحكم ألبنائه <متعووب عليها صج
يالله نبدأ بالموضوع ،،
انتشرت بالفترة الأخيرة زواج الخليجي من الأجنبية وأنا مااقصد بالأجنبية العربية اقصد
الأجنبية الغربية اللي لا نفس عادتنا ولا نفس تقاليدنا ولا نفس لغتنا
والاهم وقبل كل هذا مو نفس "ديانتنا "
وتشوف الريال عادي تك ايزي راضي بالوضع ومستانس
وموو حاسب حساب لمستقبل عياهم وشلون راح يأثر عليهم
ويمكن يتبعون أمهم ويقلدونها بكل شي ،، هذا من جانب
ومن جانب ثاني ....
يعني انا بصراحه يحز بخاطري لما اشوف ريال كويتي او خليجي بصفه عامه
رزهـ وكشخه ولما تلتفت يمه تشوف عيال جنهم من شرق أسيا
أو من الفلبين ولا اندونيسيا ولا تشوفهم مقولبين شقر وحمر وصفر
<قوس قزح
لاحول الله ،، وياريت يتحجون عربي بعد كلامهم كله مكسر
واللي يقهر هو أنهم ينتسوب لنا
ويأخذون الجنسية الخليجية ويصيرون خليجين لان أبوهم خليجي
ولايت لصج واهم بصوب والخلييج بصوب
المووهيم انا قلت اللي عندي والباجي عليكم
وعذروني على القصور
تحياتي للجميع
بنوته كيوت .... بقلمي المتواضع جدا
.,h[ hgogd[d lk hgyvfdi >>>!! frgld