الموضوع
:
{ أنـا فـي محل ضمير مستتر تقديره الـ آه .!
عرض مشاركة واحدة
26-02-2009, 07:16 PM
المشاركة
6
⌠اڶـﮪـاوٍيـﮯ™⌡
عضو عطاءه غير
تاريخ الإنضمام :
Jan 2009
رقم العضوية :
28505
المشاركات:
286
رد: { أنـا فـي محل ضمير مستتر تقديره الـ آه .!
أهلن بالخشش الجميلة ,, يالله إن تحييهم خشتن خشة
طفشان قلت خلني أسولف
قولوا بسم الله ما شاء الله الأول
عبدالمحسن ولد أخوي الكبير عمره سنة ونص تقريباً مسكين
يصدق أي شيء
بس نقوله اُحووووه وإلا دودّو علطول يسمع الكلام
ولو جا صومالي من الشارع وقاله مشينا يروح معه ما عنده مشاكل
بس عندنا مشكلة نعاني منها معه
هو طول الوقت يسولف ويبربر ويقصد ويشعر
بس إنّا ما ندري وش يقول
أزعجنا بسواليفه اللي ما تنتهي
ما غير ,, اتّاااااااااع ,, اتّوووووووووووووووه ,, امّممممميييييييييي ( بتشديد الميم )
تررررررررررررررر
<<< شغل الموتر وخروا خخخخخخخخخخ
إذا تعور يجلس عل الأرض ويقول ادّووووووو خخخخخخخخ
والشعر وخروا عن خلف بن هذال خخخخخخخخخخ
ما تسمع إلا آآآآاااآآاآاآآآااااآاااااىىىى أإآااااىى
يسمعها كل أهل البيت ما شاء الله خخخخخخخخ
لا وأبشركم تعلم السب يقول كب
وأحيانن يقول انقع <<< في راسه طرب الورع
يقول للسيارة ان بيب خخخخخخخ
تصدقون ,, لمّا يشوف البطيخ ( الجح أو الحبحب أو اللي تبون
)
يقوله كيكه خخخخخخخخخخخ
مسطول هالبزر ,, أحد يقول للبطيخ كيكه
وإذا جاء يناديني يقول مان خخخخخخخخخ
بتقولون البزر يعرف إنجليزي من يومه خخخخخخخ
عاد اسمي صعب على البزران ( عبدالرحمن ) ,,
اذكر زمان يوم أخواتي الثنتين ( توأم ) الله يحفظهم
وهو صغار أعمارهم كانت أربع وخمس ,, كانوا يقولولي مددح
بس هالبزر غير عنهم ,,
إذا عصّب وخرّوا عنّه
يطلع كل قوته فيك خخخخخخخخ
يعضك في الساق ويبقسك في الساق
وكل أنواع الضرب بس كلها في الساق خخخخخخخخخخخ
وطلباته أوامر ,, ينشب في بلاعيمي لا شافني ألعب كوره
إلا اشيله واحطّه على كتفي ,, مو بس كذا لا ,,
لازم ألعب كوره وهو مرتز فوقي خخخخخخخخ
المشكلة يقعد يكعشني ,, وشعري طوله أُنمُلتين عاد ما يحتاج ,, آكل تكعيش على مستوى
إذا عصيناله أمر وإلا قلنالنه لا !
يروح عند أبوه يشغب
وهاتك عتاب من أبوه خخخخخخخخ
ياهو مدلّعه دلع
أخاف يطلع بنيّه وحنا ما ندري خخخخخخ
وإذا كان مزاجه تعبان وبايخ واقوله عطني بوسه يعطيني كف خخخخخخ
عكس إذا كان مزاجه رايق
إذا جبتله شيء أعطيه أقوله هاك امسك ووريه وبعدين اشيله من قدامه
واقوله عطني بوسه
يعطيني بوسه ومعها يقول امّحححححححححححححح
<<< مصلحجي
بس تصدقون ,, أخاف احسده ,, ياهو مملوح وهو بزر
أجل لو كبر بيسويلنا مصيبة مع الهيئة خخخخخخخ
بيخلي البنات يجرون وراه
اللي تبي تعطيه بوسه من الزين اللي فيه ما شاء الله
واللي تبي تعطيه الرقم
واللي تبي تاخذ صورة معه خخخخخخخخخخخ
وبعضهم يمكن يبغون التوقيع يحسبونه من ممثلين هوليوود
ماهوب إلا من طعس وود خخخخخخخخ
بس وه فديته ,, رغم إنّه شقي إلا إنّه ياخذ العقل خخخخ
حليلهم البزران كلهم ,,, يجننون
بس أنا عندي تساؤل يفرفر فـ راسي من زمان أزعجني
وهو ليه الواحد لمّا يكبر ما يتذكر أي شيء وهو صغير ؟؟
الميموري انهدّ حيلها وإلا كيف خخخخخخخخخخخ
شكلي كثّرت بربره ,, مع السلامة
بس قبل ما تطلعون قولوا بسم الله ما شاء الله على عبدالمحسن ولد أخوي
رد مع الإقتباس