اطعمنا الله وسقانا (موقف محرج+ مضحك )
صباحكم ومسائكم اول يوم رمضان
طبعا الكل يعرف اول يوم بالشهر الفضيل
مايخلو من المواقف الكوميديه والمحرجه بعد
حبيت اليوم اعرض لكم نموذج مشرف وموقف اتوقع ما راح انساه لا انا ولا الابطال الي معاي ابد
اليوم بعد صلاه الفجر طبعا صايمين>>ياشيخه 
اختكم في الله طلعت تشوف منظر الشروق >>يالبى الرومنسيه بس
واخواني رجعوا من الصلاه بس حصلوا صاحبهم وجلسوا قدام باب البيت يسولفون
المهم يوم نزلت وكعادتي جريت على الثلاجه وفتحتها وماحطيت يدي الا وجايني جدار وصادمني واقف بدالي ولا اخوي
يحرك حواجبه يقول سبقتك 
طبعا ماتدرون ليه انا وياه دوم نتسابق من يخلص علبه المويه قبل الثاني
وموقتين نفسنا كل بعد صلاه نشرب علبه 
عشان السوائل وكذا
المهم سحب وحده وانا اخذت الثانيه وفتحناها
وجاء اخوي الثاني وعد لنا 1 2 3 ابدوو
وششششششربناها بالعافية
وبس
لا بدري ماخلص الموقف
هو خلص قبلي انا اعترضت وقلت انت كذاب وبديت قبل مايخلص اخوك العد
قال الحكم تقولين كذا وتسبين اللهم اني صائم !!!
طبعا ولا كآننا سمعنا شي قلت يالله مره ثانيه وبدون غش
قال طيب ونمسك العلبه الثانيه والتفت اقول لاخوي يالله عد
وماشفته وبعد بحث بصالتنا حصلناه تحت الطاوله ووجهه احممممممممر وحاط منديل بفمه
فجعنا بصراحة ونرفعه ونهوي عليه خفنا نوبه ربو كالعادة 
وحالتنا حاله واجري واخذ مويه وبشربه
اخيرا تكلم وقال طسسي يافاطره انتي وياه
انا صايم !!!!!!!!!!!!
حاله هدووووووووووووووووووء شكيت اننا نمنا
وبعدها صرختنا طلعت كل البيت
واجتمعوا على فضيحتنا والي ضحك والي عصب على اخوي لانه مانبهنا وخلانا نكمل هبل
بعد سؤال اهل العلم الله لا يخلينا منهم
قالوا انما اطعمهم الله وسقاهم وماعليهم شي نسيان هذا ويكملون صيامهم
مايستفاد ياحبايبي
1) الركادة زينه 
2) اقفلوا الثلاجات اول يوم عشان الموقف الي كذا
3) ابعدوا عن الي فيهم نذاله مثل اخوي
وتقبل الله طاعتكم يارب
h'ulkh hggi ,srhkh (l,rt lpv[+ lqp; )