الموضوع
:
مُبْتَسِمٌ ومُتَفَائِلٌ
عرض مشاركة واحدة
25-02-2010, 02:42 PM
المشاركة
13
المبتسم
عضوتربع القمه
تاريخ الإنضمام :
Jun 2008
رقم العضوية :
21837
المشاركات:
1,572
رد: مُبْتَسِمٌ ومُتَفَائِلٌ
سلام عليكم
مساؤكم رضى وسعادة وطمأنينة
كيفكم .. وش علومكم .. وش أخباركم
^
أبسألكم :
فيه شي غلط في الكلام السابق
؟!
عيدوا قراءتها زين .. ركزوا
طيب على طاري (
وش أخباركم
)
بقولكم موقف حصل أمام عيني :
قبل فترة كنا جالسين وكان معنا رجل كبير في السنة حوالي ( 70 ) سنة،
جاء واحد من الشباب جنتل شوي .. يعني رسمي ويهتم بمظهره وما يرضى أحد يتمسخر عليه !
المهم دخل مشخص وسلم..
وقال من ضمن سلامه : (
وش أخباركم
)
الرجل الكبير الي معنا عصب !!
تعرفون أنتم عاد كبار السن
أقولكم عصب وعبس وجهه وقعد يهوش على رفيقنا الجنتل ليش يقول: (
وش أخباركم
) !!
>>> والمجلس كله ساده الصمت ..
قاله بصوت مرتفع :
وش هالكلمة ؟! ( أخباركم ) ؟!
هذا سلام هذا ؟!
ما تعرف تسلم أحسن من كذا ؟!
بعض هالشباب التالين إذا طلعوا لنا بمثل هالأشياء الشينة !!
الواحد يصير رجال ويعرف يتكلم !!
أخباركم !!
تلفزيون هو والا نشرة أخبار !!
وخذ تهزيء من هالنوع ..
وكبار السن مو غريبة عليهم مثل ردود هالفعل .. عادي يجي منهم زي كذا ويمكن أسوأ !
رفيقنا ضاق صدرررره .. وعصب
وزين التزم الصمت ..
>>> القهر بعض الموجودين قاموا يضحكون بخبث !
المهم رفيقنا الجنتل شالها بخاطره..
وعشانه ما يقبل بمثل هذه الأمور؛ اتخذ موقف :
أنه ما يكلم هالشايب ولا حتى يسلم عليه بعدها
!!
طبعا هو ما قال شي بوقتها .. سكت لحد ما انتهت الجلسه وطلع..
قابلته بعدين .. وجاء طاري الموقف .. وأثره مصمم أنه لا سلام ولا كلام مع هالكبير السن !
على الرغم من أن هالكبير في السن له حق على رفيقنا !
استمر الوضع أشهر
!!
يعني اجتماع فيه هالكبير ما يحضر رفيقنا !!
مناسبات تمر .. ما يكلف نفسه للمجيء والسلام ..! بعدما كان يجي .
المهم استطاع أحد الشباب أنه يأثر على رفيقنا ، ويقنعه على الأقل بواجب السلام وحق كبر السن .
اقتنع بهالشيين
ومع الوقت الحمد لله عادت الأمور طبيعية
وقفة :
كبار السن مهما صدر منهم لابد نتحملهم، فضلا أن يكون لهم حق علينا كأب أو جد أو عم أو خال أوجار .. إلخ .
وقبل هالشي هم ثروة ومجموعة خبرات، نتاج سنوات طوال، يجب نستمع لهم ونستفيد من تجاربهم
.
وبس .
رد مع الإقتباس