اذا مانيب في بالك ولايطري بي الطاري=عفى الله عنك يالمجمول والدعوه سعوديه
تسهل والله المسؤل يساعدني على ناري=اطفيها بذكرى لبى قلبك قلتها ليه
تسهل بذكرك في كل لحظه واعلن اسّراري=واصيح بصوتي المجروح لبى قلب هذيه
تسهل يحفظك ربي وانا مانيب غداري=علومي كلها عندك وانا كلي شفافيه
تسهل واسئلك بالله لاتسئل عن اخباري=سؤالك بعد ماتقفين كيه من على كيه
تسهل واوعدك مابوح واسرارك هي اسراري=على عهد الوفاء باقي من الله شيمة ٍ فيّه
تسهل وابشر بعزك عن العذال باداري=دموعي لايقولون السبب بنت السعوديه
تسهل والله ان تدري من البايع من الشاري=وصيّور الليالي تكشف الخافي من النيه