المفارق ..
اولاً اعتذر عن الغياب الطويل ويعلم الله
ان لكم بالقلب كل تقدير ولايمنع حضوري هنا
الا الظروف فلتعذروني احبتي الكرام .
نص جديد اول نشر هنا هي محاولة مجاراة للشاعر الكبير حمد السعيد
للاستماع لحمد
< الفراق >
شاقني حرف القصيد وقلت اجاريه بمحله=حرف حر ٍ حبكته بالشعر تلقى به عذوبه
ياحمد جددت جرحن بالحشا يزداد غله=سبّة الفرقى وطاري من عن دروبي غدوبه
الغلا بالله قلي ياحمد منهو يمله=والمفارق لعن ابوه ولعن ابوناسن سعوبه
عان ربي كل خلن غاب عنه بيوم خله=من يلومه لو يصيح من القهر ويشق ثوبه
لعن ابو جد الفراق اللي يهد الحيل كله=من عرفته كن شمس الصبح تطلع من غروبه
انعكس شكل الحياة وكل دربن كنت ادله=تاهت الخطوه وضيّع صاحبك ابسط دروبه
لاتذوق النفس زاد ولا شراب ولا حصله=من يفسر او يوضح سبّة اسباب العقوبه
العلاج الوصل ندري بس داره مستحله=شبوا النيران ربعه واعلنوا وقت الخطوبه
اه من لاظي شبوبن يكوي الروح ويذله=ابتدا موتي بعيني ساعتن فيها سروبه
لاخطاي ولاخطاه ولا حصل باسباب زله=مثل ماني فيه ميّت هو يموت الفين نوبه
كل نبضن من خفوقي كان خلي يستحله=وكل عرقن من عروقه كنت فيه ولا دروبه
من يلومك جعلها مثلي غرابيله تتله=لين يعلن عن ملامك ياحمد مليون توبه
الغلا بالله قلي ياحمد منهو يمله=والمفارق لعن ابوه ولعن ابوناسن سعوبه
القصيده موجود بالصوت بس مركز التحميل مارضي يحمل
مرتين حاولت ولايمكن العثور على الصفحه .
محبتي
نواف بندر
hglthvr >>
التعديل الأخير تم بواسطة نواف بندر ; 26-06-2009 الساعة 01:53 PM