قاهرتهم هالعباية مايبون الستر دوم
العبايه عولموها وانفثو فيها السموم
من ملاهي الرقص جابوا فكر تخصير العباة
ظيقوا صدر العباة ووسعوا طرف الكموم
ونزلوها لين وصلت آخر أكتاف الفــــتاة
بانت نحور الصبايا وانكشف شكل الهدوم
والغبية تحسبنها زايده زين وحـــلاة
والبراقع دلعوها لين عام الخد عوم
لازم القرضه توسع والكحل يلقى الحـياة
طوروا شكل النقاب وصارت الدعوه علوم
صار شفاف(ن)يوضح خدها ويا الشـفاة
وآخر الصرعه لثام(ن)يفتن الرجل العزوم
والفتن قالوا ضلاله للقلوب المؤمنــات
وش علامك بنت حوى تستبيحين السلوم
أو مع خيلك ياشقراء بعضكم جنس البنـات
قاهرتهم هالعبايه مايبون الستر دوم
جدهم علمان يعني لاصيام ولاصــــلاة
حطوا إن البنت سلعه وغلفوها بالهموم
وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقوم
قايمه تحت المعادي لجل عين الشامخـــات
من ظلمها يوم قام المعتصم من عز نوم
قال وين الكافر اللي يستبيح المسلمـات
ثم ذبح لجل شعرتها من العدو كثر النجوم
قال هذا حق منهو يستذل الطــــاهرات
نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعــات
بيتكم لاصار مبني داخل البيت مهدوم
وبيتنا صوم وصلاة وحج وأشهد والزكـــاة
إتركيهم يابدويه وخلي اللايم يلوم
وسعي خصر العبايه واكرمي بالمكرمـــات
وإن رفعتيها لراسك أصبح الراس محشوم
العبايه فوق راسك حشمه وطيب وثبـــات
وماعليك من اللئيمه تحاول تقلدك يوم
لبست البرقع ولكن حن عرق الماجــدات
بحنكها ألفين دقه مدري ألف من الوشوم
أو تراه ألفين هكري يكتبون الذكريـــات
ولابغت تكتب قصيده قافها هو قاف يوم
(يوم يابا)(يوم يابا)جاك عرق الراقصــات
جت تقول إني بدويه قلت أنتي وجه بوم
إعقبي منتي بدويه أنتي جزء من الحــصاة
يابدويه لايغرك بعض غربان(ن) تحوم
أنتي فوق الكل أنتي فوق روس النايــــفات
أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفــات
إن حدوا من بيننا أو طولوا حد العقوم
يابدويه طبعي أرقى فوق كل الطايـــــلات
إحذري يابنت منهم طبعهم نفث السموم
عولمتهم لو أعرفها طلع معنى الشــــتات
ظيقوا صدر العباة ووسعوا طرف الكموم
وبيجي يوم(ن) نشوف شقوق في وسط العبـاة
rhivjil ihgufhdm lhdf,k hgsjv ],l
