منتديات الأماكن - عرض مشاركة واحدة - ~ { تَعددتَ الآقـلآم وبَقى قَلمِـي ينبضُ بلون آنـسآني ~

19-05-2010, 12:39 PM

المشاركة 39

انساني

عضو يفوق الوصف



رد: ~ { تَعددتَ الآقـلآم وبَقى قَلمِـي ينبضُ بلون آنـسآني ~

عُذراً .. يُمنع طرح الصور النسآئية ..~

اكذب عليك ان قلت اقوى غيابك
تعال شوف أشلون حالي ويكفيك

ارضى عذابي بس ما ارضى عذابك
لاصرت اعرف انك تبيني وانا ابيك

قبل امس مت من الوله عند بابك
اشم عطرك .. واتبعه لين الاقيك

اتخيل انك جيت والشوق جابك
واتأملك مسجون خلف الشبابيك

اعاتبك واسكت ابسمع عتابك
واتأملك ساكت واضيع بمعانيك

واقول احبك وارد انطر جوابك
واشوف دمعك وانكسر له واحاكيك

يابعد عمري .. ليه دمعك شرابك
ياليت اجي جنبك ومن ريقي اسقيك

واروي ضما عمرك وزهرة شبابك
لابارك الله في عيونن .. تبكيك

مد كفك لكفي وخل التشابك
يبرهن ان البعد ماهو بياديك

وكانك تحس البرد ينزع ثيابك
حط راسك بصدري وشوقه يدفيك

خلني احس الدم لامن مشابك
حقق اماني قلب يحلم يناجيك

ويقولك في غيبتك كم اهابك
ويقولك وش صار له قبل لاجيك

ولانمت والحلم الطويل ابتدابك
انزلك واحب راسك واغطيك

هذي سواليف الوله عند بابك
شايف حبيبك كيف يزعل ويرضيك

اسهر بليلي لجل اكلم سرابك
والصبح احاول قد مقدر اداريك

انام واحلم جيت والشوق جابك
واطيربك يم القمر واحتفل فيك

وكل ما اقول احبك اسمع جوابك
عد النجوم وشوف وش كثر اغليك

الله يستر لايطول .. غيابك
وليتك تجي وتشوف حالي ويكفيك

بقلمي ..

رد مع الإقتباس