الموضوع: مدرســتك تحـت آلمجـهـ ـر
عرض مشاركة واحدة
قديم 07-04-2011, 11:11 AM
المشاركة 25
الصورة الرمزية أم عبدالرحمن

 

  • غير متواجد
رد: مدرســتك تحـت آلمجـهـ ـر


صبآحكم معطر برآئحة الكآبتشينو ..
شكرآ إمبراطور على هالتوريطة وتطليع الفضايح..



* كم نسبتك العـأَإم الماضي او الثانويه العامه..>> يالله طلعوآ الفضآيح ؟!.

متخرجين من المتعسة منذ خمسة سنوآت وهذه السادسه من بعد ودآع المتعسه
تقديري في الثانوية العامه جيد جداً ..


* كم ترتيبكـ بالعآدة؟!.

على حسب أوقات 9 وأوقات 11 بس في ثالث ثانوي كنا شاطحين بعد العشرين

* ماهي مادتكـ المفضله ؟!.

الفقه والتفسير والحديث

* تحبـٍ/ي تذآكرـٍ/ي من الدفتر ولآ الكتآب ؟!.

طبيعة مذاكرتي إني ألخص كل المعلومات في الدفتر والكتاب في دفتر مستقل وأذآكر منه
أما لو بذاكر من الكتاب أقلبه شبطه ورسومات


* هل إنتـٍ/ي من النوع اللي تحبـٍ/ي تشخبطـٍ/ي عَـ الكتب والدفأإآتر ؟!.

لا
لكن إذا كانت فيه ماده اكرها والمعلمه مجننتنا اقلب الكتاب تحديد بالقلم الاسود ..
خاصة كتاب المكتبه


* إذا إنتـٍ/ي متخرجـٍ/ــة شو المرحله اللي حبيتها/حبيتيها ؟!. لماذآ ؟!.

ثاني متوسط
لأنها كانت مرحله حماسيه وجدا مفيده لي في كثير من الجوانب ..


* هل أنت/ي من النوع اللي يتكلم/تتكلم كثير في الفصل ؟!.

أنا مثلي مثل الحيط
حتى مشاركه نادر اشارك وإذا شاركت محد يقومني ..
بس المعلمات بس يقوموني يقولون ماتشاركيني .. أقول أشارك محد يقومني ليش اتعب نفسي
اهم شيء ورقة الاختبار


* من آكثر معلم/معلمه حبيته/حبيتيهآ ؟!. شو يدرّس/تدرّس ؟!.

أم وهيب الله يشفيها - عربي -
أم سعود - دين -
لولوه القرشي - انجليزي -
أم كريمه رحمها الله - انجليزي -
هيفاء - عربي- <- خلتني احب النحو كثير

* فين كـٍآأن مكانك في الفصل ؟!.

مكان في الصف الثاني من جهة الباب
لكن يكون مكان اقرب للمجموعه اللي جالسين بالنصف <- عليك وصف مدري وش يبي

* كم مره كتبتـٍ/ي تعهّد أو مخآلفه ؟!. لمآذآ ؟!. < ياللـٍه

الحمدلله ولا مره


*كم مره إنطردتـٍ/ي من الحصه ؟!. لمآذآ ؟!.

ولامره إنطردت


*عمرك آتهزّأتـٍ/ي من مدرسّك/مدرّستك ؟!. لمآذآ ؟!.

مره وحده من معلمة العربي هيفاء لأن مستواي نزل في ثالث ثانوي كثير
ووضحت لها أسبابي وعذرتني وكانت تساعدني قد ماتقدر
يعني إذا غبت تسأل عني وتطلبني وتشرح لي الدروس اللي غبت فيها وماتتركني إلا وأنا فاهمتها 100%
طبعا مستواي نزل بسبب ظروفي الصحية


* هل سبق رسبت/ي بسنه ؟!. في آي صف ؟!. كم مره ؟!. لمآذآ ؟!.

الحمدلله ولا مره ..


* كم مره هربتـٍ/ي من الحصّه ؟!.
وإذآ هربتـٍ/ي صآدوكـٍ/ي ولآ لآ ؟!.

الحمدلله ولا مره هربت من الحصص ..


*كم مره نمتـٍ/ي في الفصل ؟!. <<< اتوقع كل شباب المنتدى سوها أما البنات لا
واذا عدي واغلطي.. في اي ماده اكثر شي تناموا؟!.

مره وحده في اول ثانوي يومها كنت تعبانة حدي
وطلبت مني المعلمه اني احط راسي على الطاوله وأنام
وأنا ماصدقت خبر
وكان ذاك اليوم كله نوم وأمي بس تهاوشني على نومي


*إنتـٍ/ي في مدرسه أهليّه ولآحكوميه ؟!.

حكوميه


*في حدآ بالمنتدى معآكـٍ/ي في المدرسه ؟!.
واذا فيـٍه افضحيـٍه بوقف صآر معـٍه

لا مامعي أحد


* موقف صآر لك/ي في المدرسه ومآتنسآه/تنسيه ؟!.
أيام ثاني ثانوي كانت صديقتي صفاء بتنقل من المدرسه بسبب وفاة والدها ولانهم بيسكنون عند اخوها فصعب عليها المواصلات فنقلت من المدرسه
يوم الوداع كنا مسوين حفله وفالين أبوها وجدها وعمها وخالها
وكنا مسوين سباق جري ورى المدرسه
وأنا من ضمنهم
لكن وحده من البنات كانت واقفه بنصف المسافه ومعاها مويه لمن نقرب منها تجلس ترش مويه عشان نهدي ومانفوز - نذالة منها - لكن جات علي وتنزحلق بالمويه وطحت طيحة حسيت جسمي تكسر منها أنا عصبت وتهاوشنا وقومها البنات هوشه على هالبنت وتفركشت حفلة الوداع
..
مره أيام ثاني متوسط كنا صافين الصباح بالطوابير ولاني قصيره كانوا يخلوني انا وبنت خالي نصف بأول صف
يومها الحارس من بدري ارسلته المديره بشغله وكانت البوابه مفتوحة
شوي إلا يدخل المتعسه كلب أسود وتنقلب المتعسه صرآخ والمعلمات على غرفة الوكيله واحنا فوق على فصولنا لين جات وحده من الخالات وطردت الكلب بصعوبه

ومره أيام ثاني ثانوي دخل المتعسه قرد - ولد نعرفه مربيه - والبنات انبسطوا ويبون يمسكونه لأنه صغير وبعضهم يصارخ
ولان غرفة المديره قريبه مننا طلعت على الصوت وهزأت الكل ودخلت البنات الفصول وخلت الحارس يدخل يطلع القرد

ومره أيام أول ثانوي معروف بين الفترتين في الاختبارات النهائية يخلونا في الحوش
فمره جو أولاد وجلسو يرمون علينا علب مويه فاضيه وحجاره وكل شيء يلقونه يرمونه علينا والبنات يردون عليهم باللي يرمونه وبعلب المويه اللي في الحوش
ودق جرس الفتره الثانيه والبنات ماطلعوا
ونزلت وحده من المعلمات تشوف وش السالفه
إلا يلقون البنات شغالين ضحك ورمي حجاره وعلي مويه على برى وتجيهم من جوه عرفوا إن في احد برى بلغوا الحارس وطرد الاولاد والبنات تهزأو شر تهزيء و قامت المديره قفلت الحوش بزنك وماخلت إلا الحوش اللي يقابل بوابات الدخول للمدرسه

 *كانت طاولتك بالمدرسه نظيفه وإلا تخربش عليها؟!
وشنو أكثر شي كنت تكتبه عليها ؟!

نظيفة لكن يجون البنات يشخبطون وأنا امسح



وشكرآ على هالموضوع وأشكر إمبراطور على هالتوريطه وإعادة ذكريات من أيام المتعسه

وأختار بعدي القدير كحيلان11
فحياه الرحمن

"

ياربّ الطمأنينة التي تملأُ قلبي بذكرك ..