منتديات الأماكن - عرض مشاركة واحدة

01-10-2011, 07:15 PM

المشاركة 5



رد: مستشارك مع العطشان

والله مشكلة كبيرة
جالسين نشوفها بشكل يومي
الشباب انفلتوا بصورة يشيب منها الراس
انحرافات في سلوكياتهم صارت تجلب للمجتمع مصايب مالها اول ولا تالي

من وجهة نظري
المشكلة من اساسها تبداء في حاجة وحدة

شخصية الاب في بيته

لو ناخذ عينات من الشباب اللي عليهم محور النقاش
وننظر للاب
صدقني راح تلقى الوالد ما يدري عن ابنائه
شغلته الصراخ والهواش ويصرف عليهم فلوس يتوقع هذي هي التربية

هيبة وقوة شخصية الاب
هي المحور الاساسي في عملية التربية

بعدين نجي
لعلاقة الاب والام

اذا ظهر الود والاحترام والحب
بين الاب والام في البيت
هذا يأثر في الابناء وعلاقتهم بالوالدين

وبعدها نجي لعلاقة الاب والابن

في شي لازم نتفق عليه
الضرب في الزمن هذا
اكبر غلطة ترتكبها في حق ابنائك

عيال الوقت هذا
تقدر تقلب حياته وتغير افكاره بالكلام

مع محاولة مجارتهم في تطور الزمن اللي صار يتطور بالثانية

خروج مع الابن للاماكن الشبابية اللي يحبها
ومحاولة ( تطييح الميانه ) بينك وبين الابن

تكليفه بالمسؤليات
ليشعر بقيمته كا عضو مهم داخل الاسرة

محاولة استشارته في قضايا الاسرة
لينجذب مع اسرته ويعيش تفاصيلها

الاهتمام بالامور اللي يحبها ويميل لها

طبعا ما ننسى دور الام في عملية التربية

هي عضو اساسي في هذي المهمه

الام اللي تظهر احترام زوجها بحضوره وغيابة
هذي هي الام الذكية
جالسة تغرس في ابنائه احترام والدهم بشكل كبير

ومحاولة فهم طبيعة الابناء ونفسياتهم وميولهم
والتقرب لهم من هذي الابواب

كثير من الاباء والامهات
يقول ياخي انا فاضي احط عقلي في عقل بزر

ايه انزل لمستواه
هذا ولدك
عش الاجواء الشبابية لتصل الى قلبه وعقله
حاول تخليه صديقك

عشان تعلمه بالطريقة هذي الصح والغلط
بعيد عن التلقين
اتركة يتعلم بشكل مباشر عن طريقك انت

شغل الرسميات ما ينفع في الوقت هذا

بكل استطاعتك
اكسب ابنك
قبل ما يكسبه الشارع

هذي نقاط بسيطة لعملية ربط الابناء بالبيت
لتعيش بيوتنا باجمل صورة
وتختفي بأذن الله الكثير من الظواهر والسلوكيات الخاطئة في مجتمعنا

تحياتي وتقديري
للقائمين على المسابقة القيمة والاجتماعية مستشارك