الموضوع: صدقتهم !!!
عرض مشاركة واحدة
قديم 11-03-2011, 01:38 PM
المشاركة 41
الصورة الرمزية مبسوطهـ !!
مبسوطهـ !!
عضو يفوق الوصف
  • غير متواجد
رد: صدقتهم !!!

من دواعي سروري

حاولت اوزن الأبيات بحيث إني مااغيّر كلماتك قدر المستطاع

اذا حبيت تعرف هل ابياتك موزونه أو لاء .. جرّب تلحن كامل القصيده بلحن واحد
و جرّب تلحنها بعد التعديل بلحن الشلاّت .. وإن شاءالله تتوّضح لك الصوره !


صدقتهـم وانـا اللـي مـا اصـدق فـيـك نفـسـي .. وبعتـنـي لـجـل الـعـوذل يــوم انـهـم حـاربـونـي

كلمة (انهم) زائده على النص .. والباقي سليم

صدقتهم وانا اللي ما أصدق فيك نفسي ... وبعتني لجل العواذل يوم حاربوني



مـا اصـدق انـك فـي يـوم مـن الايـام تقـسـي .. وهقـيـت انــك تعالجـنـي وقــت مــا صوبـونـي

هذا البيت موزون لكن ماهو على وزن البيت الأول .. فَلَزِم تغييره

ماصدق انك بالزمن ممكن في يوم تقسي ... وماهيقت اتخونني بعدما صوّبوني



واثــر سكاكـيـنـك فـــي قـلـبـي الـواهــن تـرسـي .. كل ما تذكرت انهم بيدك الطاهرة ذبحوني

(سكاكينك) تكسر البيت .. كذلك ( الواهن)
(تذّكرت) استبدلها بـ (ذكرت) .. (بيدك) استبدلها بـ(بديك) ليتّزن الشطر

آثار سيفك يالغلا بعماق قلبي ترسي ... كلما ذكرت انهم بديك الطاهره ذبحوني



والـدمـعــة فــــي تــالــي الـلــيــل مــعـــي تـمــسي .. عهد عليها مـا تفارقنـي مثـل مـا عاهدونـي

(في تالي الليل) تكسر البيت .. كذلك الشطر الثاني مكسور

الدمعه صارت باليالي في عيوني ترسي ... اعطتني بالصحبه عهد مثلما عاهدوني



فـرحـة وضيـقـه شـتــان بـيــن يـومــي وامـســي .. هـم وحـزن يلقـون فــي داخــلي لــو شرحـونـي

ضيق وفرح شتان بين اليوم وبين امسي ... هم وحزن يلقون بي لو انهم شرّحوني



لا تحسبـنـي انـانـي مــا احــب غـيـر نـفـسـي .. اطـلـب حيـاتـي تـجـيـك فـــوق مـنـهـا عـيـونـي

(لاتحسبني) تكسر البيت .. أبدلها بـ (لاتظنني)
(تجيك فوق منها) مكسور

لاتظنني اناني و ماحب غير نفسي ... اطلب عيوني يالغلا وخذ فوقها عيوني



رح يكون النطق و التقطيع بهذا الشكل

صدّقتهم // ونا اللي ما // أصدّق فيك نفسي
وبعتني // لجل العوا // ذل يوم حاربوني

ما صدّق إنْ // نِك بالزمن // ممكن في يوم تقسي
وما هقي // تتخونني // بَعَد مــَ صوّبوني

آثار سي // فك يالغلا // بعماق قلبي ترسي
كلما ذكر // تنْهُم بدي // كالطاهر اذبحوني

الدمعصا // رت بالّيا // لِفِي عيوني ترسي
اعطتني با // صحبه عَهَد // مِثِل مــَ عاهدوني

ضيقو فرح // شتـّا نبي // نليوم وبين أمسي
همّو حزن // يلقونبي // لو انـْـهُم شرّحوني

لتظنني // انانيو // محبّ غير نفسي
اطلب حيا // تي يالغلا // وخِذ ْفوقها عيوني



اتمنّى أكون وفّقت في الشرح

بالتوفيق !