غناء كوكب الشرق

~*¤ô§ô¤*~*¤ô§ô¤*~أم كلثوم ~*¤ô§ô¤*~*¤ô§ô¤*~

طول عمرى بخاف من الحب وسيرة الحب وظلم الحب لكل أصحابه

وأعرف حكايات مليانه آهات ودموع وأنين والعاشقين دابوا ما تابوا

طول عمرى بأقول لا أنا قد الشوق وليالي الشوق ولا قلبي قد عذابه

وقابلتك إنت لقيتك بتغير كل حياتي

ما أعرفش إزاي حبيتك ما أعرفش إزاي ياحياتي

من همسة حب لقيتني بحب وأدوب فى الحب وصبح وليل على بابه





فات من عمرى سنين وسنين شفت كتير و قليل عاشقين

اللي بيشكي حاله لحاله واللى بيبكي على مواله

أهل الحب صحيح مساكين

ياما الحب نده على قلبي ما ردش قلبي جواب

ياما الشوق حاول يحايلني واقول له روح يا عذاب

ياما عيون شاغلوني لكن ولا شغلوني

إلا عيونك إنت دول بس اللى خدوني وبحبك أمروني

أمروني أحب لقيتني بحب وأدوب فى الحب وصبح وليل على بابه





ياللى ظلمتوا الحب وقلتوا وعدتوا عليه قلتوا عليه مش عارف إيه

العيب فيكم يا في حبايبكم أما الحب ياروحي عليه

فى الدنيا ما فيش أبداً أبداً أحلى من الحب

نتعب نغلب نشتكي منه لكن بنحب

ياسلام ع القلب وتنهيده فى وصال وفراق

وشموع الشوق لما يقيدوا ليل المشتاق

يا سلام ع الدنيا وحلاوتها فى عين العشاق

أنا خدني الحب لقيتني بحب وأدوب فى الحب وصبح وليل على بابه





يا اللي مليت بالحب حياتي أهدي حياتي إليك

روحي..قلبي..عقلي..حبي كلّي ملك ايديك

صوتك..نظراتك..همساتك شىء مش معقول

شىء خللى الدنيا زهور على طول وشموع على طول

الله ياحبيبي على حبك وهنايا معاك الله يا حبيبى يا حبيبى الله الله

ولا دمعة عين جرحت قلبى ولا قولة آه

ما بقولش فى حبك غير الله الله يا حبيبي على حبك الله الله

من كتر الحب لقيتني بحب وأدوب فى الحب وصبح وليل على بابه