الموضوع: .:!:. كـل شيء حـولــي يـذكرني بـ .. شيء .. .:!:.
عرض مشاركة واحدة
قديم 16-04-2008, 03:53 AM
المشاركة 42
الصورة الرمزية شيزون

 

  • غير متواجد
~ نعم ألفين ..!









:::


مثل جمرهـ بكفي نارها وقّـد
مثل جرحٍ لبس فيني ثياب جداد


مثل حِـس المطر حبك
يجي فجأه بلا ميعاد
يجيني في سكون الليل
يجيني ويل،، ويل .. !
يجيني مثل نجم سهيل

عيونه تحضن عيوني
وقلبه صاير ٍ لي مهم

نعم مره
نعم ثنتين
نعم ألفين
نعم مليون

أحبّك
لو يصير الكون
حسود وعاذل ٍ مجنون
أحبّك
ليش لاتسأل
أحبّك
لأنّك الأجمل
بعيني يابعد عيني

نعم والله أبي حبّك
واحلف إني أنا احبّك
ولكن بيننا
حاجز ،،
وخوف ،،
وبرد .. !
وعالم همها دايم تدوس الووورد

نعم أبغاك تكون العشق بأوراقي
وابيك الحرف وابيك تكون لي مدادي

أبيك الناس وابيك إحساس
وابيك تكون لي معنى
وابي أحياهـ واقعنا

يامشغلني وانا توي أعرفك توْ
أنا ودي تشيل من عالمي هـ ( اللـو )
تكون أقرب من عروقي إلى عروقي
وتصبح ضحكه في شروقي
وكل اللي تبي بي سَـوْ

أنا روحك .. أنا روحك .. أنا روحك
أنا بوحك .. أنا بوحك .. أنا بوحك
أنا اللي في هواك آهيم
وابني عالي صروحك

أنا منك
وانا صدقك
وانا ظنك

وانا المكتوب في دنياك
وغيري مادرى عنك

أنا تاج الوفا المحسوس
وطوق العاشق الملبوس
وزهره مشرده في الريح
تبي تلمك تبي الدنيا تكون عيون
وانت النون وتضمك !

ياقطرة ما
أنا لي رأي في حبك
يقول إنك لـ ِ قلبي مزون
روت كل العطش فيني
نبت بأرضي ثمر حبك
شجر تين وشجر ليمون

وصار الجمر في كفي
مواسم زهرها يكفي
ربيع وصيف
وريشة وسيف
وصار حبك بعد شفي
وكنت بنساك نهرف بي

نعم اهواك
نعم اهواك
نعم اهواك

واظن الحب مايكفي
لأنه عاجز ومسكين
لأنه ماتْصَلـه سكين
لواحد ماعرف هالحب إلا الحين
لواحد ماجرى دمّه في قلبه
لين هو شافك

وصرت النبض
فـ عروقهـ !

وصرت الأرض
وصرت الجو
فـ عيونهـ !

وصرت الضي
ياسدرة وفيْ

نعم مره
نعم ثنتين
نعم ألفين
نعم مليون

أحبّك واكسر الحاجز
وادوس الخوفـ
وادّفي بردي العاجز
وأهديك رغم أنف الزمن قلبي
واحبك زود...!
واحبك زود...!
واحبك زود...!
واحبك زود...!


علي عسيري