قالوا لها ولد عمتك امينه جاي يكمل نصف دينه..
مــن روائـــع الشاعــر
الأميـر / بــدر بن عبدالمحسـن
قالوا لها: ولد عمتك امينه
جاي ويبي يكمل نصف دينه
أيش رايك يا فتون
ابتسمت وقالت اللي تشوفون
اركضت صوب غرفتها
بعثرت من الفرح كل أغراضها
وطلعت دبدوب لونه رمادي
قبلته ولصدرها ضمته
وقالت انته أول هديه كانت في عيد ميلادي
ونامت مبتسمه مثل القمر شقاقي
ماصحت إلا على طقة الباب
امها تقول بسرعه ألبسي يونا الأحباب
لبست أحلى الثياب
صارت أحلى عروس
بيديها كاسة عصير
قلبها يسابق أقدامها
تبي تشوف فارس أحلامها
لكن
صار اللي ماتوقعت أنه يصير
شافت ولد عمتها سعد
رمت كوب العصير
وأرتمت فوق السرير
قبل تسألها أمها عن اللي صار
اصرخت قالت ماأبييييييييييييييييييييه
تجمعوا عليها من كل صوب
أبوها أمها أخوها
قالوا غصب عليك تاخذييييييييييييييه
مرت بسرعه الأيام
وصار الزفاف في نفس العام
تسريحه أي كلام
مكياجها باهت من كثر الدموع
عطرها مو مهم أي نوع
خطواتها يم الكوشه ثقيله
آآهاتها داخل صدرها طويله
تمنت الموت ألف مره
على أن تعيش في قربه مره
سعد يمشي وماسك يدها بيده
يناظر حوله ويشوف مااحد قده
قضت ليله
أقصد ليله قضت عليها
ليله كل شي موحش ا جمعت
بصدرها كل ونة مفارق تجمعت
اليوم الثاني موعد سفرها
سعد مع أخوه ينتظرها
وصلهم لباب الطايره
وعيونه من البكى حايره
طبطب سعد على كتف أخوه
وقال لاتبكي كلها أسبوع وراجعين
أنا وقرة العين
قال أخوه قول إن شاء الله
وصلوا الفندق
اللي في نظرها خندق
مع أنه خمس نجوم
آخر الليل فرش سجادته على شط البحر
قال أجلسي ياقمر
اجلست جلسة طفش
تمنت أنها فوق النعش
سعد فرض نفسه
استلقى على ظهره ونام على حجرها
يناظر في السحاب
ويقول أحلى شي بالدنيا جمعت الأحباب
الله الجو روعه والبحر هادي
فتون ماهي معاه
جالسه تداعب دبدوبها الرمادي
وقتها نزلت دمعه على جبين سعد
قام وجلس قال خساره شكلها بتمطر
راح لسيارته مسرع
خايف أن المطر يسرع
قالها عيوني هاتي السجاده وبسرعه تعالي
سعد في سيارته
مشغل الراديو ويسمع
(ألا يامطولوا صبري أذوق الهم من كاسه
أنا ياكم قسى دهري علي وكم قسوا ناسه)
ضحك بسخريه ونزل ينادي على فتون
سجادته مكانها
فتون مالها أثر
وعلى ضوء القمر
في وسط البحر
لاحظ شي يطفو
جن جنونه وصار ينادي بصياح
ماهو معقول كل شي راح
فتون ماتت
مالقوا إلا دبدوبها
اللي شايل ورده
منقوش عليها
((((((محبة للأبد فهد)))))))
منهو فهد
فهد أخوي ولد أمي وأبوي
كيف؟ ومتى ؟وليه!!!!!
أسئله مالها أجوبه
على أول رحله عاد
وليته ماعاد
لقى أهله بثوب الحداد
ماينقصهم إلا فهد
فهد وينه ؟ فهد مات
يوم رجع من المطار
وركب سيارته
لقى في المقعد الخلفي
تذكرة سفر
مكتوب عليها من الخلف
بروج أحمر
(((لأني أحبك لن أعود)))
فهد انهار
بكى بكى بكى
نسى نفسه أنه يقود
صارله حادث
بعد ماقطع إشاره
نفس التاريخ بعد عام
في غرفة سعد
علبه حمرا
فيها:
دبدوب رمادي
تذكرة سفر
صورة فتون
صورة فهد
مكتوب على العلبه:
الا يامطولوا صبري أذوق الهم من كاسه
أنا ياكم قسى دهري علي وكم قسوا ناسه
آلييييمــــه ...
|
rhg,h gih ,g] ulj; hldki [hd d;lg kwt ]dki>>