الموضوع
:
][ حبيبي.. للاسف جبرتني اخونك..( قصه لامست الواقع ).. ][
عرض مشاركة واحدة
18-11-2010, 11:08 PM
المشاركة
3
¸.خَوْاطِر إِمَارَاتِيْه.¸
تاريخ الإنضمام :
Jan 2010
رقم العضوية :
34578
المشاركات:
3,340
رد: ][ حبيبي.. للاسف جبرتني اخونك..( قصه لامست الواقع ).. ][
لجيـــن
وعليكم السلام ورحمة الله وبركاته
اسعد الله حياتكِ بكل نقاء حرف
وحضور وهاج يعانق افق الامل
ليزرع نوركِ في كل ركن
في هذا الطرح سوف اتحدث بالعامية
لرغبتي بهذا الامر ان سمحتي
مسألة الخيانة الزوجية مرفوضة
رفضا قاطع لا يحتمل اي مجال للشك
وتعتبر جريمة في مجتمعاتنا العربية
خاصة ان نحن تحكمنا قيم دينية وأخلاقية
مهما كانت المبررات الغلط غلط
سارة للاسف من تزوجت محمد وهي
راضية بهذا الاسلوب اللي كان يعاملها فيه
شو اللي تغير وشو اللي خلاها تذكر بعد 6 سنين
من انجاب الاولاد ان محمد ما يعاملها مثل ما
كانت تتمنى الحين انتبهت !!!!
غلطتها انها من البداية رضت بهذا
الاسلوب من محمد عشان كذا يوم كانت
تقول لمحمد وتطلب منه جزء من اهتمامه
يمكن في داخله مستغرب او يمكن يكون يسال
نفسه انا دومي كنت اتعامل مع سارة بهاذي الطريقة الحين
افتكرت تسألني والدليل ان ما سوى لها اي سالفة
ما انكر ان المرأة تحب ان زوجها يهتم
في كل جانب من حياتها ويحيطها باهتمامه
لكن سارة جاية تعالج سالفه صار لها
سنين وللاسف عالجتها بغلط وهي انها
خلت سعد يقتحم حياتها
لو نفترض ان سعد تواجد في حياة سارة في
لحظة ضعف سارة ما فكرت في بعدين
هي فكرت انها تتطلق عشان ترتبط في سعد
يعني وثقت في سعد ان راح يرتبط فيها
وتناست الشخص اللي غير نفسه عشانها
وهو ابو عيالها
هي كانت تبي الاهتمام والمراعاة ويوم لقتهم
في زوجها رافضة انها تعيش الواقع ورابطه
حياتها في سعد اللي الله عالم اذا بيتزوجها او لا
قبل ما تخطي هالخطوه في الاول والاخير هي الخسرانه
راح تخسر عيالها وزوجها من اجل شخص يمكن
ما يستحق هالتضحية الكبيرة
فنصيحتي لها لا تخسر حياتها من أجل نزوة
والله يهدي بالها ويهديها لفعل الخير
اسفه على الاطالة
لكِ مني خالص الاحترام
أختكِ
خواطر إماراتية
رد مع الإقتباس