الموضوع: عيب واحد في النساء .. !!
عرض مشاركة واحدة
قديم 07-10-2011, 11:47 PM
المشاركة 18
الصورة الرمزية ][ سعد الرجه ][

عضو له مكانه في قلوبنا

  • غير متواجد
رد: عيب واحد في النساء .. !!
اقتباس المشاركة الأصلية كتبت بواسطة مابقى لي قلب
كلام ميه بالميه يا منتهى الحب... ياسلام عليك

الى الامام الى الامام الى الامام........



في رأيي أن تلك الكلمات .. لا تخرج عن كونها وصف حقيقي لكثير منكن ( ليه كذا تحطمت)
لكن معك حق اخوي .. الجميع ربما يحمل هالصفات لكن تختلف النسب ... والنساء ما كلهن سنعات مثل الرجال تماماً ماكل رجال.. رجُل..
والعيب( مجازاً) اخوي .. للاسف انتم يا معشر الرجال من خلقه.... ننسى قيمتنا لاننا لم نجد من يقدرها ويشعرنا بها...
والا ماسبب ذالك..


اعجبني حيل رد منتهى واستفزني فرجعت ثاني..

سعد الابداع ...

كل التحايا لشخصك الواعي ولعقلك الراجح..
احترامي لك اخي..



بدينا في تعقيد الشوش

وش ذا وأنا أخوتس قاعده تشجعين تسنتس تصفقين لوحده تردح في المنصه

لا وبعد الى الامام .. الى الامام

مب عاقله قذافي الأماكن .. ناقصتس توكتوك مدري دباب


اصبري وخليني أوضح لتس أول .. ولا تتحطمين قبل تعرفين

يعني شلون تحطمتي من الكلام الإيجابي؟!

أنا قصدت إن الكلمات الجميله في حقكن هي وصف حقيقي للكثير منكن

مو تهرب من كلام قلته أو شي .. لا والله

بس للتوضيح

اقري الموضوع مره وبتأني وتمعن
بتشوفين إنه من أوله إلى قبل الأخير وهو يوضح الأشياء الحلوه فيكن يالحريم

وزي ما تفضلتي وجبتيها بنفستس
في النهايه الجميع من الجنسين تختلف الصفات فيهم وبنسب متفاوته بين الزين والشين


لكن رجعتي .. ودرعمتي بهجوم ثاني .. وبصفة التعميم على الكل

والعيب المقصود في الموضوع .. ما له علاقه في التقليل من وصف النساء بشكل العام

القصد هو ان النساء يعيب عليهن نسيانهن لكثير من الصفات الإيجابيه اللي فيهن

وصدقيني .. زي ما فيه نساء يقدرون رجالهن .. ويعرفن الخلطه السريه لهم

راح يلقون الرجال اللي يقدرونهن بالشكل اللي يستاهلنه وأكثر

ولا تعتبرين هذا دفاع عن بني جنسي .. ولكن هي حقيقه موجوده في الجنسين


إن شا الله هديتي الحين .. وراح الاستفزاز

وبالعكس رجوعتس مره ثانيه أسعدني .. وأثرى الموضوع أكثر .. ووجهة نظر أحترمها أكيد


لا هنتي أختي على الرجوع والصراحه .. وهذا المطلوب

وفعلا فرشتي البساط بالشكل الصحيح .. وصار أحمدي


لا حرمناتس وتواجدتس الجميل

يسعدتس ربي ويوفقنا وياكم في الدارين






™ تشاوو .. يرحمكم الله