منتديات الأماكن - عرض مشاركة واحدة - العناد.. تتسلح به المرأة.. و يرفضه الرجل

21-05-2011, 05:21 PM

المشاركة 14

HeleUm

عضو يفوق الوصف



رد: العناد.. تتسلح به المرأة.. و يرفضه الرجل

وأنا أشهد ان العناد سلاح المرأه ,,
بس المشكله اذا ربي بلاها بواحد بارد ,,

عن نفسي ما اعتبر العناد صفة سيئة في المرأه ,,
وبسببها يخرب البيت أو يصير طلاق ومن هالكلام ,,
والا معناته ان الرجل مو فاهم تركيبة المرأه ومو فاهم تفكيرها ,,

اعتبره جدا طبيعي ,, ولابد من وجوده حتى لو صار فيه تفاهم وحتى لو صار فيه انسجام بينهم
بعض الأحيان أفسره نوع من الدلع ,, وبعض الأحيان أفسره اختبار لقوتها وتحمل الزوج لها ,,
واللي اعرفه ان المرأه تعاند علشان تشوف ردة فعل الزوج ,, اذا طنش قالت انت ماتحبني
واذا رد عليها ,, قالت لا بس باقي يحس فيني وبكلامي ,, حتى لو استمرت بعنادها ,,
فهي زي اللي تأخذها العزه بالأثم وتقول ما بتراجع والا يقول عني ضعيفه ,,

واسألوا اللي عاشوا فترة الخطوبه والملكه ,, وش كان يقول لها لما تعاند ,,
كان يشوفها أحلى بنت ويشوف عنادها أحلى صفة فيها ,, وهي في هاللحظه تبني قوة ومقدار حب زوجها لها
فلما تجي بعدين وتعاند ويختلف عليها ردة فعله ,, تبدأ الوسوسه وعاد تفرجوا في الكلام اللي يطلع منها ,,
<< تنشر غسيله وغسيل أهله ,,

ع العموم ,, تعاند براحتها ,, في النهاية تبقى زوجة وتبقى اجمل انسانه
ولابد من أنه يتحملها ويتحمل تصرفاتها ,, والا كان نص البنات مطلقات ,,

<< مو كأنه قلبها سواليف ,, والا كيف ,,

رد مع الإقتباس